2 wreedaardig op hoewe vermoor

(Argieffoto)

Die berig bevat inhoud wat sommige lesers mag ontstel. 

Drie verdagtes is Dinsdag in hegtenis geneem nadat die liggame van twee mans op ’n kleinhoewe buite Maclear in die Oos-Kaap aangetref is. Die mans is keelaf gesny en met hul hande agter hul rûe vasgebind aangetref.

Kapt. Khaya Tonjeni, woordvoerder van die polisie, sê in ’n verklaring ’n bekommerde lid van die publiek het die polisie Maandag genader nadat dié persoon nie die eienaar van die kleinhoewe sedert verlede week met ’n oog gesien het nie.

Die kleinhoewe is 5 km buite die dorp op die Mount Fletcher-pad geleë.

Volgens Tonjeni het polisiebeamptes ondersoek op die kleinhoewe ingestel en gedwonge toegang tot die huis verkry. Hier het hulle die verminkte liggame van twee mans, onderskeidelik 50 en 54 jaar oud, in ’n slaapkamer aangetref. Die mans is ook erg aangerand, met tekens van struweling.

Tonjeni sê die motief vir die dubbelmoord is in dié stadium roof aangesien die verdagtes die huis van buite af gesluit het en ’n televisiestel en kontant in die huis van drie verdagtes aangetref is.

Dié mans sal na verwagting Donderdag in die landdroshof op die dorp verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
JANINE

Moord en doodslag sonder rede is aan die orde van die dag in ons mooi land :-(

Nette

MISDAAD TEEN DIE MENSDOM IN DIE ERGSTE GRAAD

Genis

Ai Serfaas, mens verstaan nie, daar word n Groot bohaai gemaak oor FW se uitlatings, en niks hiervan word benoem nie? Is dit nie n skandaal nie… Dit staan bekand as “genocide”?

Werner

As die motief roof was sou hulle nie die mans se kele afgesny het nie

AJ

My innige simpatie aan die familie en vriende van die slagoffers.

Ons moet ons SELF verdedig!

Dis nou oorlog!