(Foto: Twitter/Women For Change)
Die dodetal in die brand wat Donderdagoggend in die vroeë ure ’n vyfverdiepinggebou in Johannesburg verswelg het, het nou tot 63 gestyg.
Maroela Media het vroeër berig dat brandbestryders en nooddienspersoneel omstreeks 01:30 na die toneel op die hoek van Albert- en Delversstraat ontbied is.
(Foto: Twitter/
@Kommander_Josh)
“Met hul aankoms het brandbestryders en nooddienspersoneel begin om die gebou te ontruim terwyl daar gepoog is om die brand te blus,” het Robert Mulaudzi, woordvoerder van die Johannesburgse nooddiens, gesê.
“Ons het nou al 63 liggame in die puin gekry en 43 mense het geringe beserings opgedoen,” sê Mulaudzi.
Die beseerdes is na verskeie gesondheidsorgfasiliteite vervoer vir verdere mediese behandeling.
Lebogang Maile, LUR vir menslike nedersettings en infrastruktuurontwikkeling, sal Donderdagoggend om 09:30, die gebou in Marshalltown besoek.
Die oorsaak van die brand is tans nog onbekend en word ondersoek. Geen verdere inligting is in die stadium bekend nie.
(Foto: Michele Spatari/AFP)
Fire fighters still distinguishing the five story building in Johannesburg CBD that caught fire in the early hours of today leaving more than 40 people dead. On the other side of the building some of the bodies are still in lying inside body bags. #joburgFire pic.twitter.com/aWogHCH5Td
— Teboho Letsie (@Letsie5Letsie) August 31, 2023
Gekaapte gebou? Geen huur, geen instandhouding, geen veiligheids maatreëls!!! Gaan net meer en meer voorkom.
al die onwettiges wat hier rondswerf en nou moet ons pa staan
Hierdie plekke word vehuur. Soek die verhuuder en maak sy naam en politieke verbintenis bekend.
Dit is hartseer.
Dis erg maar te verwagte.
Jhb se Hillbrow ‘n gemors en stadsraad het oogklappe aan
Sedert Herman Mashaba die verval probeer opruim het is NIKS gedoen
Die ANC het toegelaat dat hierdie gebou gekaap word.
Nie snaaks nie. In SA vat jy wat jy wil he. Huise/karre/lewens ens…
Dit is hartseer,ongeag die rede of omstandighede,dit is lewens verlies.