Aanval op ma en kinders: ‘Die motief is nie roof nie’

Christelle en haar man Gert. Foto: Facebook

Christelle van der Merwe (39) sterk steeds in die Mediclinic Tzaneen aan nadat sy en haar twee dogters Dinsdag op ’n hoewe buite Tzaneen aangeval en sy in die gesig geskiet is.

Van der Merwe het Dinsdagmiddag ʼn operasie ondergaan om die koeël naby haar regteroog te verwyder. Marlize Delport, woordvoerder van die hospitaal, het gesê die operasie was ʼn sukses. Van der Merwe is intussen na ʼn algemene saal oorgeplaas. “Dit gaan onder die omstandighede goed met haar.”

Maroela Media het vroeër berig ses verdagtes het in die vroeë oggendure op die gesin se huis op een van die Lushof-kleinhoewes toegeslaan.

Die aanvallers het toegang tot die huis verkry deur ʼn venster stukkend te slaan en die diefwering oop te sny. Van der Merwe het wakkergeskrik, maar die mans was toe reeds in die huis.

“Die kinders is met ʼn gholfstok aangerand, maar ek verneem hulle is nie ernstig beseer nie. Die aanvallers het egter die vrou gedwing om die kluis oop te sluit. Daar was vermoedelik ʼn struweling en sy is in haar gesig geskiet,” het Marius Jacobs, woordvoerder van Northern Security en stigter van die Watchdog Tzaneen-inisiatief, gesê.

Lt.kol. Moatshe Ngoepe, woordvoerder van die polisie, het intussen bevestig drie verdagtes, tussen 24 en 25 jaar oud, is Vrydagoggend in verband met die aanval in hegtenis geneem.

“Die verdagtes sal na verwagting vandag in die Tzaneen-landdroshof verskyn op ʼn aanklag van huisroof.” Ngoepe het gesê die polisie se ondersoek duur voort.

Marcelle Maritz, leier van die VF Plus in Limpopo, het aan Maroela Media gesê Van der Merwe se man, Gert, wat uitstedig was tydens die voorval, het aan haar gesê daar was minstens 13 aanvallers.

“As 13 verdagtes ʼn vrou en haar kinders aanval is die motief nie roof nie. Dis ʼn oorlog. Hoe gaan sy haarself verdedig? Het dit dalk êrens uitgekom dat haar man nie tuis is nie?

“Dit lyk soos ʼn sindikaat wat van bo af georganiseer word. Dit is kommerwekkend en baie hartseer,” het Maritz gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Charmaine Coetzee

Is dit nie maar ook poging tot moord en huisroof nie die vrou is in haar gesig geskiet sterkte aan die vrou en kindets hoop julle kan vinnig oor die trauma kom !!!!!!!lafaards moet vrouens en kinders en oumense aanval

Boerseun

Dankie VF+, julle is reg dis n oorlog.

Dit is verblywend om te hoor die VF+ begin al meer weg beweeg van die polities korrekte houding en dinge se soos dit is.

Acca

Ja en so mag hulle moor verkrag en plunder soos hulle wil en niemand mag iets se nie want dit is mos beskermde persone. Dat ons wit mense tog waag om so barbaars op te tree dan is almal op jou en veroordeel jou saam die media en dreig om jou te kom vermoor. Is dit nie barbaars nie ?? Dis lankal n ras storie en niks anders.

Lorinda Dunckley

Ai….. cry the beloved country :-(

Lynette

In gesig geskiet isvpoging tot moord. Wasr kom Polisie daaraan om slegs huisroof te ondersoek.