AfriForum Jeug: ‘Nazi-plakkate is onvanpas’

Foto: Facebook

AfriForum Jeug het die plakkate met Nazi-trekke wat op die Universiteit Stellenbosch (US) se Stellenbosch-kampus aangebring is, ten sterkste veroordeel.

Bernard Pieters, AfriForum Jeug se koördineerder vir Maties en die Oos- en Wes-Kaap, het gesê die grafika op die plakkate is geskoei op ou Nazi-propagandaplakkate. “Hoewel die teks self geen haatspraak bevat nie, is die agtergrond van die uitbeeldings onvanpas en herinner aan die miljoene mense wat hul lewens tydens Nazi-bewind in Duitsland verloor het. Die uitbeelding het dus ʼn ondertoon van anti-Semitisme en rassisme,” het Pieters gesê.

“Omdat die motief nog onbekend is, kan daar net gespekuleer word oor wie vir die plakkate verantwoordelik is, maar die aanbring van enige ideologiese Nazi-nostalgie word sterk deur AfriForum Jeug veroordeel. Ons is van mening dat die aangeleentheid ondersoek moet word,” het Pieters gesê.

Maroela Media het vroeër berig die US het intussen in ʼn verklaring gesê die universiteit veroordeel rassisme, rasse-meerderwaardigheid en enige pogings om die kampusgemeenskap te verdeel. “Geen geleentheid wat rasse-meerderwaardigheid bevorder sal toegelaat word om op die kampus gehou te word nie,” het Martin Viljoen, woordvoerder van die universiteit, in die verklaring gesê.

Volgens Viljoen is die plakkate op die kampus aangebring sonder enige voorafkennis of toestemming van die universiteit. “ʼn Ondersoek is tans aan die gang en die plakkate is ook by die universiteit se eenheid vir gelykwaardigheid aangemeld,” het hy gesê.

“AfriForum Jeug veroordeel alle vorme van rassisme en diskriminasie, ongeag die ras of geslag wat hulself daaraan skuldig maak. Hoewel AfriForum Jeug die aanbring van die plakkate sterk veroordeel, veroordeel ons ook die oënskynlike dubbele standaarde wat steeds op ons universiteitskampusse en in die media heers en wat dringend aandag moet kry,” het Pieters bygevoeg.

AfriForum Jeug meen die feit dat die US en die media so vinnig hierop reageer, maar uitlatings soos “one settler, one bullet” destyds nie op soortgelyke wyse op die kampus hanteer het nie, dui op dié dubbele standaarde wat gehandhaaf word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

45 Kommentare

jongste oudste gewildste
Jordaan

“Die universiteit veroordeel rassisme”? Behalwe as dit teenoor wit mense is, bv die toelatingsbeleid.

Magda

Kan daar asb gese word deur wie die Plakkate opgerig is???

Gideon

Ag julle is belaglik!!! Agriforum nou mag daar ook seker nie ‘n foto van ‘n boer in sy land vertoon word nie want dit wys mos na aldie boere wat daagliks vermoor word!!!
Daar is niks fout met daardie plakate nie, die fout lê by die mense!!

Albie

Is dit verkeerd om “regs” te wees. Duidelik in die oë van liberale linkses, want HUL alleen is reg.

Eerder mal voor ek ñ Nazi is. Jy mag doen en sê, maar wat is die doel as jy na die EFF se vlak daal? Hierdie goed is geplaas om blankes te laat sleg lyk.