ANC het glo 139 plase in die oog vir grondgrype

Argieffoto (Foto: markus53, Pixabay)

Die ANC het glo 139 plase uitgekies wat hulle oor die volgende paar weke sonder vergoeding wil onteien, berig die City Press.

Aldus die koerant het die regerende party dié besluit gemaak ná sy twee dag lange lekgotla van die nasionale uitvoerende komitee van die ANC. Dit is egter nog nie duidelik watter plase ter sprake is nie.

Dit volg nadat pres. Cyril Ramaphosa op 31 Julie aangekondig het dat die regerende party sal voortgaan om artikel 25 van die Grondwet te wysig om onteiening sonder vergoeding moontlik te maak.

ʼn Grondwetlike hersieningskomitee wat aangestel is om deur middel van landswye openbare verhore te bepaal of ʼn hersiening van hierdie artikel en ander klousules nodig is om grondonteiening sonder vergoeding, in openbare belang, moontlik te maak, het gister sy laaste verhoor in Kaapstad afgehandel.

Willie Spies, AfriForum se regsverteenwoordiger, het Sondag aan Maroela Media gesê die burgerregte-organisasie kan nog nie kommentaar lewer voor dit bekend gemaak is watter plase ter sprake is nie. “My vermoede is dat dit waarskynlik plase is wat reeds geoormerk is vir grondhervorming of waarop daar reeds grondeise ingestel is en waar daar waarskynlik ʼn dooiepunt bestaan tussen die staat en die betrokke grondeienaar oor die vasstelling van die vergoeding,” het Spies verduidelik. “Ons sal eers ʼn mening kan vorm sodra ons weet watter plase dit is en hoe dit gaan werk.”

Spies het bygevoeg dit is moontlik dat die regering ook plase in gedagte het waar daar reeds grootskaalse vestiging plaasgevind het. Hy het onder andere verwys na ʼn plaas in Atteridgeville waar die persoon die grond geërf het, maar dit is reeds grootliks deur plakkers beset en volledig deur die munisipaliteit oorgeneem, alhoewel die stuk grond nog op die naam van die eienaar geregistreer is.

“Voor ons egter nie weet watter plase geteiken sal word nie, kan ons nie eintlik ʼn idee vorm wat die aard of aanslag sal wees wat die staat gaan volg nie,” het Spies benadruk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

77 Kommentare

jongste oudste gewildste
Anoniem

So ons gaan moet gelate sit en toekyk hoe Die President dit gaan DOEN !!

Paul

Die prosedure soos per die grondwet vereis is geminag, vat CR en die ANC hof toe!

Johann M van Heerden

This whole ‘land’ business is going to explode in our faces. There is thousands of hectares of socalled tribal land which should first be given in ownership ‘landless’ people. The these lands are in the highest potential agricultural areas of the country. High rainfall and good soil but totally unutilised. The Transkei and Ciskei was found in a servey by the ARC to have the potential to produce more maize than SA can use. Still the people there are poor and stream to the WC and demand services and land here. Putting pressure on financial water and land resources. Nobody… Lees meer »

Se maar net

Hoop een van die plase is een van CR se 6 wat hy het. Een is genoeg hy het 6. Wat nou?

Morne

Hoekom gee Cyril, die “token” BEE biljoener nie sy plase weg nie? Of vat Thandie Modise se plaas. Die zulu “koning” sal nie afstaan van die grond waarvoor hulle geveg het nie. Hy kon sy grond deur geweld kry, en word beskerm. Die boere het onderhandel vir hulle grond.