‘ANC-jeugliga sal nié Springbok-wedstryde ontwrig’

Springbokke_vs_AllBlacks_Ellispark_Skare_GBJordaan_001-1024x683.jpg

Foto: GB Jordaan

SA Rugby en die ANC-jeugliga het Woensdag bevestig dat planne om die Springbokke se toetswedstryde te ontwrig van die baan is.

Albei partye het in ʼn gesamentlike mediaverklaring gesê dié besluit volg nadat verteenwoordigers van die twee organisasies vergader het. Njabulo Nzuza, sekretaris-generaal van die jeugliga, het gesê hoewel rugby nog baie werk het om te doen, die organisasie gerusgestel is in SA Rugby se bedoelings en toewyding.

“Ná intense en deurtastende gesprek oor die huidige toestand in rugby is ons verseker dat SA Rugby hierdie saak net so ernstig as die ANC-jeugliga opneem en dat planne beraam word om te verseker dat transformasie voortgesit word in die spel,” het Nzuza gesê.

“Ons het verder kennis geneem dat die huidige Springbokspan die mees getransformeerde span in die geskiedenis is en dat Teboho Mohoje dié week as kaptein van die Suid-Afrikaanse A-span aangewys is.

“Ons het gesonde en robuuste gesprekke gehad. Ons het die geleentheid gehad om te verduidelik watter vordering SA Rugby die afgelope paar jaar gemaak het en die besonderhede te verskaf rakende ons strategiese transformasieplan, wat ʼn padkaart is vir dié sport op alle vlakke tot 2019,” het Khaya Mayedwa, ʼn senior bestuurder by SA Rugby, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
AmY

En die EFF?

D

Siestog

Johan

Moet ons almal nou dankbaar wees daaroor…….is ANC Jeuglige nou in beheer van SA Rugby…..

maritz

Wanneer speel die ANC bafana bafana wil een groot awb optog hou hehe

Joann

Maritz laat weet ons dan is ons daar.