ANC steek Niehaus in die pad

Carl Niehaus.
(Argieffoto: Karen Sandison/African News Agency)

Die ANC het die Umkhonto we Sizwe- (MK-)veteraan Carl Niehaus afgedank.

Pule Mabe, woordvoerder van die ANC, het die nuus Donderdagaand aan eNCA bevestig.

Niehaus se afdanking volg enkele ure nadat hy ’n brief van Febé Potgieter, hoofbestuurder van die ANC, ontvang het waarin die MK-veteraan tot 16:00 gegun word om redes te verskaf waarom hy nie summier afgedank moet word nie.

Dít nadat Niehaus Woensdag gedreig het om namens ontevrede werknemers strafregtelike klagte teen hooggeplaastes in die ANC in te dien. Die werknemers is glo ongelukkig oor onder meer salarisse.

Niehaus het Potgieter se brief in ’n verklaring as “drakonies en onredelik” bestempel aangesien hy glo maar twee en ’n halfuur gegun is om redes te verskaf oor waarom hy nie afgedank moes word nie.

Niehaus ontken nie in die verklaring dat hy gedreig het om senior bestuurslede van die ANC van onder meer diefstal en korrupsie aan te kla nie. Hy voer egter aan dat hy in sy persoonlike hoedanigheid as werknemer van die ANC opgetree het en bloot sy reg as werknemer en Suid-Afrikaanse burger uitgeoefen het.

Niehaus is twee maande gelede tydelik uit die ANC geskors ná hy uitlatings in Nkandla gemaak het.

Mabe het vroeër vanaand aan eNCA gesê die ANC is “moeg daarvoor om altyd sake wat deur Niehaus aangevoer is te moet hanteer”.

Maroela Media het ’n navraag aan Mabe gerig en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

49 Kommentare

jongste oudste gewildste
Anton

Ag shampies, na jare van gatkruip hou sy maaitjies nie meer van hom nie???
Wonder hoekom het dit hulle so lank gevat?

casper

LOL — Nou het Kareltjie Nie ‘n Haus nie !!~

LekkerOuJan

Jy moet darem slegter as sleg wees as die ANC jou laat loop.

twaalfboor

Hahahahahahaha…… ou kareltjie, jys toe nie so relevant nie. Net nog ñ wit muishond in die ANC.

Hardekwas

Uiteindelik! Daar is tôg soms goeie nuus in hierdie land.