Argieffoto: Hera.org.nz
ArcelorMittal Suid-Afrika (Amsa) het vandag bekendgemaak dat 900 mense teen die eerste kwartaal van 2020 afgelê sal word wanneer Amsa sy staalaanleg in Saldanha in die Wes-Kaap sluit.
Solidariteit het aangekondig dat hy ’n skrywe aan die regering en aan ArcelorMittal Suid-Afrika (Amsa) gaan rig nadat hy sy Navorsingsinstituut opdrag gegee het om ’n omvattende studie oor die impak van die sluiting van Amsa se staalaanleg in Saldanha te doen.
“Solidariteit is geskok oor die bekendmaking. Ons is bewus daarvan dat Amsa groot uitdagings in Saldanha ervaar met hoë insetkoste, ’n kwynende uitvoermark en die regering se ekonomiese beleid, maar so ’n drastiese stap wek groot kommer,” sê Willie Venter, Solidariteit se adjunkhoofsekretaris vir die Metaal- en Ingenieurswesebedryf.
Amsa het reeds in Julie in ʼn handelsverklaring op die JSE se nuusdiens, Sens, aangekondig dat die maatskappy noodgedwonge sowat ʼn vyfde van sy werksmag moet aflê.
Amsa se Saldanha-aanleg kan weens duurder grondstowwe, gereguleerde pryse soos kragtariewe en ’n afname in aanvraag nie meer volhoubaar aan uitvoermarkte deelneem nie. “Die nasionale regering moet eenvoudig sy ekonomiese beleid meer dringend hersien om die toenemende werksverliese te stop,” sê Venter.
Venter voer verder aan dat die werklike impak op die Saldanha-gemeenskap en die Wes-Kaap enorm gaan wees met nóg duisende inwoners wat negatief geraak gaan word deur die sluiting. Die sluiting kan katastrofiese gevolge vir die plaaslike gemeenskap inhou in die lig daarvan dat Amsa se Saldanha-aanleg die grootste werkgewer in die omgewing is.
Solidariteit is ook bekommerd dat die sluiting van Amsa se Saldanha-aanleg slegs die eerste stap in sy voetspoor-projek (footprint exercise) is en dat daar ook onsekerheid oor die toekoms van die aanleg by Newcastle heers.
Solidariteit het sy lede by Amsa verseker dat hy alles in sy vermoë sal doen om hul belange gedurende die prosesse wat gaan volg, te beskerm.
Ja nee. Enige iets wat die kaders en ANC bedryf en bestuur loop uit op n gemors. Nog meer families wat sonder n inkomste gaan sit. Weereens n bewys hoe onbewoeg is die klomp ANC mense
Charl verduidelik net gou wat het die ANC met die bestuur van AM te doen ?
Hier kom weer ‘n staking, dan is die res van
AM ook somer daarmee heen!!!
Sonder wins kan geen besigheid sake doen nie.
Die ANC kan so trots wees!! BEE en so veroorsaak die. Wie wil nou bele en werkers he wat staak en BEE BEE bestuurders wat vir ANC werk. Julle wiel draai nou!!!!
As AM n taatsondetneming was sou hy n bailout ontvang het.
Hoekom is Solidariteit geskok? Hierdie is maar net die produk van die “demokrasie” wat ons dan so graag wou gehad het.
Die pap is op die grond nou probeer hulle dit van die grond af optel.Ekis bevrees dit is te laat. Kyk wat veroorsaak stakkings vir meer geld, doen niks maar wil betaal word . Die minimum loon boemerang ook nou lelik in hul gesigte.
Ja. Daar gaan eskom se maandelikse inkomste met Rm120-180 verminder… o ja Kathu gaan nou seker hulle ystererts op hope gooi en berge daarmee bou.
Oeps een groot bron van buitelandse valuta ook nou nie meer daar nie.
Sterkte……. dis al.
Onder die huidige plaaslike en buitelandse ekonomiese toestande is dit n gegewe dat sekere produkte nie langer lewensvatbare opsies bied nie. Dit is normaalweg jou derde wereld lande wat die swaarste getref word, veral n land wat sukkel om die ligte aan te hou. Ek is bevrees dat die aandeelhouers reeds alles moontlik sou oorweeg het om die aanleg nie te sluit nie en dat die skrif aan die muur is met hulle besluit om wel die aanleg te sluit. My voorstel sou wees dat vir ingeval solidariteit faal, die werkers solank aansoek doen vir werksvisums in lande wie daarvoor bekend is dat hulle nie n groot werksmag het nie en dus gebruik moet maak van buitelandse arbeid by hulle staalaanlegte!
Apools die hele land se ekonomie is op ń afdraande pad a.g.v. die ANC se swak bestuur en sosialistiese beleid. Kaderontplooiïng, bedrog, verkeerde toepassing van SEB, invloed van vakbonde op regeringsbesluite en ń klomp ander dinge is die oorsaak hievan. As dit sleg gaan met die land se ekonomie het dit ń uiters nadelige invloed op maatskapye sowel as die man op straat. Die mense wat hievoor moet pa staan is die regering m.a.w. die ANC. So eenvoudig soos dit.
As jy die ANC blameer vir swak ekonomie – ek stem saam. Nie heeltemal vir AM se swak operasionele vertoning nie. AM is nie global kompeterend nie en skree ipv om hul prosesse te verander vir invoer beskerming. Skuif hul probleem na die verbruiker toe help niemand nie.
Ons moet saamstaan en kapitaal bekom en dan die weskaap koop by die bankrot regering en dan afstig van die piesang republiek van suid afrika
Ek stem saam, maar sonder Kaapstad, Stellenbosch en die Boland.
Hoe lank dink jy gaan dit vat voor klaas oor die muur loer en daar wil kom dinges aanjaag? En, hoe hou jy vir Ta’ uit??
Klaas en sy familie kan oor die muur spring, maar dan moet hulle hul SA burgerskap opgee. Dus geen verdere staatstoelae van Pretoria. Twyfel of hulle dit sal doen.
Gedurende 1979 was Yskor Newcastle ‘n moderne fabriek, gedurende 1994 was Saldanha ‘n moderne fabriek. Dit is tans 2019 en die aanlegte is nie aangepas met tyd. Jy kan bloot net nie winsgewind wees met toerusting van die jare 70’s en 80’s. Vergelyk ‘n 1979 VW Golf en ‘n 2019 VW Golf met mekaar, totaal twee verskillende voertuie. Waar is al die geld heen wat Yskor gedurende daardie tyd gemaak het. Die antwoord is maklik, dieselfde wat die ANC tans doen.
Waar gaan al die staal wat nodig is vir Cyril,en nou ook ou Patricia,se superstad wat hulle gaan bou met geld wat ons nie het nie nou vandaan kom? Jy sal moet help met al daai miljarde se beleggers wat jy “opgeline” het grootbaas Cyril? Ai,hoe lekker lag ek nou om die spul te sien skarrel. Die ANC is die grootste rede waarom hierdie land in die moeras wegsink en die “majority” bly hardloop om vir hulle te stem met elke verkiesing. Mens kan net tot die gevolgtrekking kom dat die chaos en ekonomiese ramp wat nou al hoe vinniger nader kom hulle opregte wens vir hierdie eens pragtige land is? Hoe tragies.
Net soos ons sonder ‘n lugdiens kan klaarkom kan ons sonder staalvervaardigers en landbouers klaarkom. Ons sit net by ons huise en kyk Boer soek ‘n Vrou en die land voer alles in wat ons nodig het. Is dit dalk hoe die ANC redeneer? Die soort beleid maak dat die Rand beslis gaan tuimel. Wees gewaarsku en tref voorsorg.
Na aanleiding van n artikkel in Bloomberg Apr 17, 2019 is SA se opbrengs, gemeet die afgelope 12 jaar teenoor n reeks van sosiale / ekonomiese / regerings maatstawwe, die slegste ter wereld in lande wat nie besig is met oorlog nie. Teenoor n indeks van sekuriteit, bestuur, voorspoed en welvaart het ons sedert 2006 van 31ste teenoor 178 lande geval tot 88 ste in 2018.
Ek lees ook hier dat die wereld-ekonome voorspel dat dit heel waarskynlik op n afdraende trant gaan bly terwyl die land wurg aan korrupsie wat net erger raak en wetgewings verlamming deur swak bestuur. Daarbenewens help die ‘on-uithoubare ‘ struktuur van die huidige ekonomiese glad nie. Hulle reken RSA se ontwikkelende staat proses het gefaal en sal aanhou faal.
Dit is dus geen verbasing as instansies begin ‘vou’ onder die druk nie.