Baksteen-video: Dissiplinêre verhore afgehandel

‘n Skermskoot uit die video.

Die dissiplinêre verhore van die twee leerders van ʼn hoërskool in Bellville wat onlangs geskors is, is afgehandel. Dié verhore het gevolg nadat ʼn video op sosiale media versprei is waarin gesien kan word hoe die een leerder die ander met ʼn baksteen teen die kop gooi.

Maroela Media het vroeër berig die voorval het in Maart op die terrein van Hoërskool Stellenberg plaasgevind. In die video wat versprei is kan gesien word hoe twee seuns in ʼn woordewisseling betrokke is en die een dreigend met ʼn baksteen in die hand nader kom. Hy gooi die baksteen en dit tref die 14-jarige seun teen die kop.

Jessica Shelver, woordvoerder van die LUR vir onderwys in die Wes-Kaap, het aan Maroela Media gesê ʼn formele dissiplinêre verhoor is intussen gehou en die leerder wat die baksteen na die ander leerder geslinger het, is skuldig bevind. “Die beheerliggaam van die skool sal versoek dat hierdie leerder uit die skool geskors word,” het sy gesê.

Sy het verduidelik dat daar egter ʼn spesifieke proses gevolg moet word voordat ʼn leerder finaal geskors mag word en dat slegs die hoof van die onderwysdepartement by magte is om ʼn leerder uit ʼn skool te skors.

“Indien ʼn skoolbeheerliggaam voel ʼn leerder se optrede regverdig ʼn finale skorsing, sal die beheerliggaam ʼn aanbeveling aan die hoof van [die departement van] onderwys voorlê. Dié hoof sal hierdie aanbeveling noukeurig oorweeg en besluit of die aanbeveling toegepas of van die hand gewys sal word. Uit die aard van die saak moet die besluit hieroor die regte van die leerder en van die betrokke skool in ag neem,” het Shelver gesê.

“Daar moet ook genoem word dat indien die hoof van die departement die skorsingsversoek weier, dit nie verander aan die skoolbeheerliggaam se oorspronklike bevinding dat die leerder die skool se gedragskode oortree het nie.”

Shelver het nie bevestig of die ander leerder wat betrokke is in die saak en wat ook vroeër geskors is hangende die dissiplinêre verhoor, intussen na die skool teruggekeer het nie.

Sers. Noloyiso Rwexana, woordvoerder van die polisie, het gesê die ondersoek na ʼn aanklag van aanranding wat kort na die voorval by die polisie aanhangig gemaak is, is uitgestel vir bemiddelingsdoeleindes wat op 19 April sal plaasvind.

Kyk die video van die voorval hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Jaco

Snaaks, as dit nou ‘n wit leerling was, wat die klip gegooi het, was dit rassisme. Wat word dit nou genoem???

Pork Chop

Hy was seker by Spur vir ontbyt. Kom ons kyk wat gebeur. As dit anders om was het hierdie nuus weer CNN gehaal. Kom ons kyk watse dubbel standaarde kom uit.

Anoniem

Dankie vir die terugvoer, Maroela Media. Dis goed om te hoor wat word van sake. Laat ons asb weet of die ander leerder weer kon terugkeer na die skool, en of die hoof van onderwys die skoolhoof se aanbeveling deurgevoer het.

Wonder

Die skuldige leerder afwagting vir skorsing is ‘n minister se kind. Spreek seker vanself.

vermeende

So wat hulle eintlik se, die swart krimeneel sal nie geskors word omdat hy n wit kind gestenig het en kon dood nie…….of is ek nou n rassis?