ʼn Prokureur van Bellville in die Wes-Kaap verskyn na verwagting Dinsdag weer in die landdroshof nadat hy vroeër op aanklagte van bedrog en diefstal in hegtenis geneem is.
Zinzi Hani, woordvoerder van die Valke, het gesê Brian Albertus Baumann (53) is Donderdag in hegtenis geneem nadat ʼn ondersoek bevind het hy het sy kliënte glo uit meer as R27 miljoen bedrieg. Baumann het na bewering vals eise namens slagoffers by die Padongelukkefonds ingedien.
“Baumann is in aanhouding en sal na verwagting aansoek doen om borgtog,” het Hani gesê.
Gooi weg die sleutel en hou hom agter tralies. Ek kon nie eis na my ongeluk nie, want daar was nie geld nie en die saak sou jare sloer. Ek het opgegee en dit is deur mense soos hierdie skelm vraatsugtige prokureur dat daar nie geld is nie.
Ek hoop die Valke se vinnige optrede treen die Staatsleiers wat bedrog en korrupsie pleeg is net so vinnig