(Foto: Shutterstock)
Beurtkrag het verlede jaar meer as 300 000 werksgeleenthede in Gauteng in die slag laat bly.
Dit volgens Tasneem Motara, Gautengse LUR vir infrastruktuurontwikkeling, wat sê die land het ongeveer 3 212 uur se beurtkrag in 2022 ondervind teenoor 1 153 uur ʼn jaar tevore.
“Die aantal werksgeleenthede wat verlore gaan benadruk hoe ernstig die provinsie se ekonomie deur voortdurende kragonderbrekings benadeel word,” sê Patrick Atkinson, die DA se Gautengse woordvoerder vir finansies, in reaksie op die syfers.
“Die provinsiale regering doen nie genoeg om die uitwerking van beurtkrag te verminder nie; ons jong mense is diegene wat die grootste prys vir hierdie verlies aan werksgeleenthede betaal.
“Die hoë beurtkragfases maak dit vir kleinsakeondernemings moeilik om sake te doen, veral dié wat op elektrisiteit staatmaak vir produksie,” sê Atkinson.
Statistieke Suid-Afrika (Stats SA) sal Dinsdag die indiensnemingsyfers vir die eerste kwartaal van die jaar bekend maak en Atkinson sê hy verwag dat die werkloosheidsyfer in Gauteng verder sal styg omdat die provinsie die afgelope jaar weinig beurtkragverligting ondervind het.
Die DA sê hy sal voortgaan om druk op Panyaza Lesufi, Gautengse premier, te plaas om dringend ʼn oplossing vir die beurtkragkrisis in die provinsie te vind.
“Ons sal voortgaan om alle weë te ondersoek om alternatiewe kragvoorsiening te bekom.”
Die hele land kry swaar onder beurtkrag. Hou asb op om die Provinsies te polariseer.
Ek wou ook se – wat maak Gauteng so spesiaal. Al die provinsies en mense ly onder beurtkrag.
En nou is fase 7 in die pyplyn. Dis net ‘n kwessie van tyd.
Nee man, daar’s baie gulde geleenthede vir bv. kers-verkope. Dink net: kerse met ‘n Eskom-embleem op teen R238000 elk…
Kon nie help om hiervoor te lag nie. Skerp.
cANCer wou dit presies so gehad het. In 16 jaar kon hulle nog NIKS regkry nie, maar korrupsie wel. En ons geagte prez weet presies wat daar aangaan.
Stig af Gauteng. Dringend.