Argieffoto (Foto: Mujahid Safodien/AFP)
’n Energie-noodtoestand moet verklaar word wat dit moontlik sal maak om rompslomp te omseil wat in die pad staan van nuwe opwekkingsvermoë.
Die Nasionale Beplanningskommissie (NBK), ’n adviserende liggaam en regeringinstansie, het gesê hy neem met groot kommer kennis van die voortslepende beurtkrag wat nou ook fase 6 bereik het.
Die hoofprioriteit is om te verseker dat nuwe opwekkingskapasiteit vinnig en dringend tot die netwerk gevoeg word, tesame met aansienlike nuwe bergingskapasiteit. Volgens die NBK dui bewyse daarop dat dit moontlik is om dit binne 24 maande te doen as 10 000 MW se nuwe opwekkingskapasiteit vinnig gebou en in gebruik geneem word, asook 5 000 MW se bergingskapasiteit.
Son- en windkragprojekte kan volgens die NBK vinnig gebou word – binne twee tot drie jaar. “Die beëindiging van beurtkrag moet ’n verenigende nasionale doelwit vir die hele land en alle belanghebbendes word,” lui die NBK se verklaring.
Om die algehele doelwit van 10 000 MW se nuwe opwekkingskapasiteit en 5 000 MW se bergingskapasiteit te bereik, sal dit nodig wees om belangrike struikelblokke uit die weg te ruim. Die NBK is van mening dat die 100 MW-perk vir opwekking sonder ’n lisensie verwyder word.
“Enige NERSA-registrasieproses wat die implementering van projekte vertraag, moet geskrap word en vervang word met ’n aanlyn registrasieprosedure slegs vir databasisdoeleindes.”
Omgewing- en watergebruikgoedkeurings moet vaartbelyn en versnel word. “Daar moet ’n tydelike vrystelling wees van plaaslike inhoudvereistes vir die konstruksie en ingebruikneming van nuwe opwekking- en bergingskapasiteit wat binne die volgende 36 maande aanlyn sal kom.”
Die kommissie het gesê hy neem kennis van die regering se pogings om die energiebedryf te hervorm. Hy het ook die feit dat pres. Cyril Ramaphosa “die reaksie op die energiekrisis aanvoer” verwelkom.
Verwyder die ANC/EFF uit die Staat en neem beheer oor die kommuniste, hou op om aan buurlande krag te voorsien en verwyder al die onwettige aansluitings, hou op om gratis krag aan die “sogenaamde onderdruktes” uit te deel, slegs dan kan daar iets positief plaasvind.
Slegs om al die onwettige konneksies te verwyder sal geen beurtkrag beteken.
Die regering moet nie te veel mag hê nie. Netnou moet ons weer maskers dra.
As hulle môre al die wanbetalers se krag sny, is daar genoeg krag vir ons almal.
Dit moet eerder vandag nog afgesny word.
Onthou dat die huishoudings / besighede hulle rekeninge aan die munisipaliteit betaal. Dis die munisipaliteit wat nie sy rekening aan Eskom betaal nie. As die krag sumier afgesny worg, is dit die betalers wat benadeel word
Dis 24 maande van plundering en geen opwekkings eenheid in sig nie. Jammer, ek vertrou NIKS waar die cANCer betrokke is.
Waar is ou Squirrel? Hoekom is hy so stil? Stop seker meubels op by Phalaa-Phaala met nuwe Amerikaanse Dollars. Wie wil nou ou pap bank sit?
‘n Noodtoestand sal slegs sinvol wees indien daar daadwerklike planne bespreek sal word EN optrede geskied – iets waarin ons regering nie juis suksesvol is nie…….
Begin deur die bestaande sonplase uit te brei. Paar maande se werk. Die infrastruktuur is reeds gevestig, voeg net panele by.
En meeste van die plase in die omgewing rondom hierdie sonplase is te koop
Ons kannie in die gewoonte kom om noodtoestande te verklaar sodat ons nie die wette te hoef gehoorsaam nie. Maar ja
1994 is 56 Gigawatt per dag opgewek met 17000 werknemers. Nou 27 Gigawatt op n goeie dag met 47000 werknemers. Laat mens dink.
Nou bietjie laat om wakker te skrik. Maak eers die krag stasies reg wat gedurig breek. En wat van Matla en Medupi-kragstasie. Snaaks dat hulle bydrae nie N bydrae lewer nie.
Ek dink hulle muilband ons om twee skepe te regverdig.
ASB nie ‘n noodtoestand nie – dit gee net bevoegdheid vir diktatoriale voorskrifte wat nog nie die probleem oplos nie.
Wie gaan die wind krag toebehore in stand hou as Eskom nie behoorlik werk nie.
Met ander woorde daar is oplossings vir die probleem maar die regering skop daarteen. Hmmm seker nie genoeg daarin om hulself mee te verryk nie.
Oplossings is al laas jaar aan Parlement voorgele maar NIKS terug voer tot vandag. Andre de Ruyter het dit al hoeveel keer in onderhoude op TV gese dat die Regering voete sleep om goedkeuring te teken, DIS hoekom ons nou sit waar ons is
Begin ook solank ernstig beskerm aan ons waterbronne.