Beurtkrag weens ‘probleem met steenkool’

Eskom se Tutuka-kragsentrale. (Foto: Eskom)

Fase 2-beurtkrag sal weer vanaf 11:00 Vrydag ingestel word. Dit is onder meer omdat die verskaffing van steenkool aan een van die stasies tydelik weens probleme met kragtoevoer gestaak moes word.

Eskom beleef ook uitdagings met verskeie onklaar kragopwekkers.

“Die herstel van ʼn kragopwekkingseenheid by die Lethabo- én Majuba-kragstasie is vertraag. Intussen het nóg ʼn eenheid by Tutuka die gees gegee en drie eenhede by die Kendal-kragstasie is van die stelsel afgehaal.”

Volgens Eskom word daar boonop verwag dat die vierde eenheid by dié kragstasie ook binnekort verwyder sal word. “Die vervoerbaan wat dié eenhede van steelkool voorsien, is tans buite werking weens ʼn probleem met kragtoevoer,” het Eskom in ʼn verklaring gesê. “Geen steenkool word tans aan hierdie stasie verskaf nie.”

Eskom verwag om oor die naweek na ʼn hoër beurtkragfase oor te skakel, sodra hy ʼn idee het van die omvang van die probleem en wanneer dit opgelos sal word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

73 Kommentare

jongste oudste gewildste
Porseleintjie

Is ook seker apartheid en nie onbevoegdheid se skuld?

FC

Eskom moet val en klaarkry, sommer klaar val saam met goverment

RS

Leke dtjy!!

Michael

Dis darem wonderbaarlik wanneer daar verkiesing is of wanneer daar ‘n belangrike geleentheid vir die cANCer is dan het Eksdom geen probleem om genoeg krag te lewer nie. Kan iemand verduidelik hoe dit werk asb

Vernon

Verskonings op verskonings. Die energie -kenners was reg,dit gaan net erger raak!! Nou pluk hierdie onbevoegde en hopelose ANC die vrugte van kader aanstellings en blatante rasbeheptheid .