Beurtkrag weer ingestel

Eskom waarsku dat die kragnetwerk nog jare lank onbetroubaar gaan wees. (Foto: Mujahid Safodien/AFP)

Fase 2-beurtkrag word weer vanaf 21:00 Dinsdag ingestel.

Eskom het Dinsdag laatmiddag in ʼn verklaring gesê hy moet noodgedwonge beurtkrag instel weens ʼn tekort aan opwekkingskapasiteit.

Beurtkrag sal wel voorlopig net tot 05:00 Woensdag geld.

“Herstelwerk van drie onklaar kragopwekkers vat langer as wat verwag is en nog drie opwekkers het Dinsdag deur die dag die gees gegee,” het Eskom gesê. Luidens die verklaring word die Tutuka-, Kendal- en Komati-kragstasies hierdeur geraak.

“Eskom werk hard om hierdie opwekkingseenhede so vinnig moontlik weer aan die werk te kry. Meer as 4 700 MW is tans buite werking weens beplande opknapping, terwyl opwekkingskapasiteit van 12 966 MW onbeskikbaar is weens eenhede wat gebreek het of ʼn vertraging in die herstelproses.”

Die kragopwekker sê hy sal verbruikers op die hoogte hou van die vordering om eenhede weer tot die kragnetwerk te voeg. Eskom het weereens ʼn beroep op mense gedoen om elektrisiteit spaarsamig te verbruik, aangesien die stelsel onder druk is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Strandloper

Hulle het al lankal die gees gegee….dom…eskom…anc

marius

Black Outs is die toekoms .

Persheks Adri

Kof Eskom pffft! Ek’s ook onder druk julle idiote! Betaal deur ons verdomde nekke vir patetiese diens wat ons nie kry nie kof man kof

Hendrik Marthinus

En almal Dink de Reyter is so goed
Deesdae elke 2de of 3de week loadshedding
En elke keer net vir n dag Dan ewe skielik selfde verskoning nog eenhede verloor en extend vir nog 3 Dae of selfs n week en langer
Nee wat net om die Job te kry belowe elke CEO as hy aangestel word is beurtkrag nie Meer nodig nie
En ons betaal ten duurste vir krag, en die groot kanonne pay derduisende rande
Mnr de Reyter se ligte brand terwyl ons in donkerte sit
Jaag weg so vinnig as moontlik

Duwweltjie

Ek stem saam met alles wat die kommentators hier skryf.

Daar is tog iets heeltemal anders wat my pla.

Waar kom die woord “onklaar” vandaan? Is die opwekkingseenhede nie klaar nie of hoe nou?

Die goed is stukkend, of dalk buite werking of soos ons in die weermag van desjare geleer is, ondiensbaar (unserviceable – U/S).

Kan ons klaarspeel met die “onklaar” asseblief – begrawe dit.