Argieffoto bloot ter illustrasie. (Foto: Unsplash)
Die departement van gesondheid het verskeie kenners se menings oor die verpligte dra van maskers in die buitelug ingewin en ʼn voorstel is aan die nasionale koronavirusbevelsraad (NCCC) voorgelê om vir eers daarmee weg te doen.
“Die NCCC sal nou die voorstel oorweeg en ons behoort binnekort uitsluitsel hieroor te hê,” het dr. Joe Phaahla, minister van gesondheid, Vrydagoggend tydens ʼn webinaar gesê.
Suid-Afrika het die afgelope week ʼn afname van 20% in nuwe bevestigde gevalle van die koronavirus aangeteken. Die gemiddelde aantal nuwe gevalle het van 16 000 verlede week tot 12 800 vandeesweek afgeneem.
Phaahla sê egter dit is “teleurstellend” dat die tempo van infeksies nie geleidelik afgeneem het soos daar verwag is nie. Die minister sê dit blyk dat die positiwiteitskoers net nie wil daal nie, met dié koers wat die afgelope maand tussen 7% en 10% bly staan het.
Die positiwiteitskoers was wel Vrydag 6,5%.
“Ons hoop om meer volgehoue afname tot ʼn positiwiteitskoers van minder as 5% te sien, wat sal kwalifiseer om te sê die pandemie is onder beheer,” het Phaahla vanoggend gesê.
Dr. Joe Phaahla, minister van gesondheid.
Mpumalanga se persentasie van positiewe toetsuitslae was vandeesweek die hoogste (14%) gevolg deur die Wes-Kaap (12,6%) en Noordwes (10,5%). Die res van die land se provinsies het almal ʼn positiwiteitskoers van minder as 10% gehandhaaf.
Altesame 21% van kinders tussen 10 en 14 jaar oud se Covid-19-toetsuitslae het egter positief teruggekom.
Phaahla het dit gevolglik duidelik gestel dat die Covid-19-pandemie hoegenaamd nog nie verby is nie.
Omikron is in dié stadium steeds die oorheersende variant in Suid-Afrika. Dié virusvariant het in Januarie en Februarie 78% van die land se nuwe Covid-19-gevalle uitgemaak.
Maroela Media het vroeër vandag berig kommer heers nou oor die land se lae inentingsyfer. Minder as die helfte van die Suid-Afrikaners het al minstens een dosis van die entstof ontvang.
Daar word intussen gevrees dat 100 000 dosisse Covid-19-entstof vernietig sal moet word weens ʼn tekort aan belangstelling onder Suid-Afrikaners.
Lees meer daaroor hier.
Nou hoekom toets die mense nog?
Sekere mense soos ek moet elke paar dae loop toets om by die werksplek te mag inkom.
Positiwiteitskoers – wat ‘n belaglike maatstaf om te gebruik om vas te stel of die pandemie onder beheer is.
Korrek. Almal moet die naweek gaan toets, dan is die positiwiteitskoers Maandag 0,4%, dan kan ons die maskers los! Hehehe, hierdie mense is nie lekker nie
En ons aanhoudend melk vir geld tot ons leeg getap is.
Laaste paragraaf… So trots op my mense!! Hul Dink vir hulself
Daar is n paar hartseer gesiggies wat nie wil saamstem nie . Hulle moet maar solank hardloop om van daai lekker goed te gaan kry.
Hulle wil besluit oor maskers in die buitelug maar lyk my nie hulle kyk ooit om hulle rond nie. Die publiek het al lankal self besluit.
Slim mense in die publiek
Die minister is ‘n swaap! Hy dink hy weet waarvan hy praat, maar hy weet nie. Elje dag wat ons maskers dra VERSWAK ons immuunstelsel. Ons het nodig om mikrobes in te kry, daarom word daar oor ‘n verjaarsdag koek geblaas, soen-groet ons en groet ons met die hand… Maar wat sal ek nou weet?
Die medici wil hê jy moet siek wees vriend, dit is hul besigheid. Kyk maar hoe het die dokters ons almal om die bos probeer lei. Gemors.
Die getoetsery van gesonde mense is sekerlik een van die mees absurde idees om almal te laat glo hulle kan moontlik iets makeer. Verder, net om almal heel op hol te jaag word dit in ons ingeëts dat asimptomatiese oordrag kan plaasvind. Dan die derde spyker is die idee dat ons asems iemand kan omblaas tot in die hospitaal waar “iemand” jou wil hê vir nog ongetoetste behandeling. Jy het net ‘n vaardige statistiekus, politiekus, joernalis en burukraat(tis) nodig om die wereld anders te laat lyk.
Absurd, ja, maar dit werk om hul doel te bereik….geld.
Ek sal so bly wees as ons nie meer maskers hoe te dra nie. Maar ek sal nog steeds dit dra waar baie mense saam kom maar hier by die werk wat in groot gebou is en waar die naste persoon 10 m van my af sit dink ek vars lug sal lekker wees.
Ek sal dit nog in winkels en so aan dra totdat die pandemie heeltemal gebreek is. Definitief nie nou heeltemal los nie maar in die buitelug is dit oukei om nie te dra nie.
Bwhaha…
Ek is nou al dik vir ‘n masker, dit is nie gesond om so met ‘n masker te loop nie.
Miskien en is jy n dokter?
Jy hoef nie ‘n dokter te wees om te weet jy moenie heeldag met ‘n masker op jou gesig rondloop nie.
Wie loop heeldag met sy masker op sy gesig? Ek weet van geeneen wat dit doen nie.
Daar is te veel kaders wat biljoene maak .
Ek dra al lankal nie meer n masker buite nie. Sit hom net op by n winkel se ingang. Ander dag het die eienaar van n klein winkeltjie my toegelaat om sonder n masker in te gaan.
Hier op die platteland sien mens al hoe meer sonder maskers
Ek stap ook ooral in sonder my masker, genoeg is genoeg
Ja asseblief nou! Dit is moelik om deur die masker behoorlik te soen…..daat is niks se gevoel nie.
Ek loop met my masker in my hand, nog niemand het my gestop en se ek moet dit opsit nie
Hoog tyd. Die maskers maak ons net siek.
As hy jou siek maak, het jy die verkeerde masker. My masker is tuisgemaak van kantmateriaal (lace). Lekker groot gate wat nie lugvloei belemmer nie, en ook nie kieme keer nie. Masker dra is tog maar net omdat die wet so sê.
Briljant
As die maskers gewerk het sou daar geen verkoue gevalle gewees het nie. Een groot klugspul.
BEVELSRAAD MOES LANKAL ONTBIND HET….
MORS VAN GELD
Ek hou baie van daardie laaste sin. Dit gee my hoop vir ons volk en land! Hoe sê hulle in Engels? You can fool some of the people some of the time, but you can not fool all the people all the time!
Die ANC se magsbasis kader speelgroepie. Ons BEVEEL RAAD aan. Magsmal anargiste wat n wêreld pandemie gekaap het om vir hille n BEVELSRAAD te stig. Onder ons neuse!
Hallelujah, Dankie dat U n einde hieraan gemaak het Heer.
God sien alles wat hul aan ons en ons kinders gedoen het.
Iewers moet die sirkus ‘n einde kry. Ek bid elke dag daarvoor.
Toe ek ongeveer drie weke gelede my by Clicks Welgelegen plein wou laat inent vir my booster (3de inspuiting) moes ek hoor:
Daar is nie beskikbare voorraad is nie.
Ek moes afspraak gemaak het al is ek al 67 jaar oud
Dat ek ʼn paar dae te vroeg is.
Paartjie net voor my was toe pas ingeënt.
Daar was niemand anders om ingeënt te word nie.
Noû vra ek jou, hoe nou?
Jy was ‘n paar dae te vroeg, ek dink dit was die probleem. Die booster shot mag eers na minstens 3mde (nadat jy die vorige shot ontvang het) toegedien word. Ek het nog elke keer by Clicks N1-Stad ‘n afspraak gemaak en is nog elke keer dadelik gehelp al was daar by een geleentheid ‘n lang ry. Jy kry voorkeur as jy bespreek het.
Wat sê die rugby base nou, “maak oop die stadions , dis die regte ding om te doen”.
Alle oningeëntes sal nie maskers buitemuurs dra nie. Sommige ingeëntes sal ook nie maskers dra nie, maar party sal dit nog steeds buitemuurs dra.
Weg met maskers.
Aggenee, As hul die dra van maskers afskaf sal ek seker weer permanent my valstande moet dra.
2 jaar dra ons nou al die ewige maskers, anderlande het al die nood toestand ten volle opgehef, net SA wat nog “besluit”. Kry nou einde met hierdie nonsens!