’n 19-jarige meisie van Bloemfontein in die Vrystaat is met haar gesin herenig nadat sy vroeër vandeesmaand die slagoffer van mensehandel geword het.
Daar word beweer dat die jong vrou dwelms ingegee en as sekswerker gebruik is voordat sy eindelik dae later met haar ma kontak kon maak en in Vanderbijlpark in Gauteng, meer as 300 km van Bloemfontein, gered kon word.
’n Paartjie is sedertdien in hegtenis geneem en word nou van mensehandel aangekla.
Kapt. Christopher Singo, woordvoerder van die Valke, sê die slagoffer is verlede Saterdag (6 Augustus) op sosiale media deur ’n vrou gewerf wat beweer het dat sy vir haar ’n werksgeleentheid by ’n winkelsentrum in Vanderbijlpark het.
Die slagoffer is kort daarna by haar huis in Hospitaalpark in Bloemfontein weggeraap. Die slagoffer kon egter dae later met haar ma kontak maak en haar ligging aan haar ma stuur. Die polisie is dadelik ontbied.
’n Man – sedertdien geïdentifiseer as die 38-jarige Nigeriese burger Christian Chukwuebuka Ezeonyekwere – is gevolglik verlede Dinsdag in hegtenis geneem.
Die slagoffer is dieselfde dag na veiligheid geneem.
Ezeonyekwere se vriendin, wat glo die slagoffer op sosiale media gewerf het, is sedertdien óók in hegtenis geneem.
Dié vrou is Maandagaand in Gardenia Park in Bloemfontein in hegtenis geneem. Die Fichardtpark Buurtvereniging en AfriForum is ontbied om die Valke in dié inhegtenisneming by te staan.
Singo sê Ezeonyekwere is steeds in aanhouding en sal na verwagting weer op 24 Augustus in die Bloemfonteinse landdroshof verskyn. Sy vriendin is nou óók in aanhouding en sal na verwagting Donderdag in dieselfde hof op aanklag van mensehandel verskyn.
Afriforum beteken meer vir die hele Suid-Afrika met al sy inwoners as al die politieke partye saam.
Amen!
Hoop nou net nie die gemors word R500 borgtog toe gestaan nie want dan is hulle weg
Minimum borgtog gaan hulle verseker kry
Sjoe die lewe is boos! Dankie aan Afriforum vir hul vinnige en vlyte diens. Lord omgedraai met sy kader het baie te leer by Afriforum
Ek dink dit is tyd dat Afriforum registreer as politieke party!. Dink ek sal die eerste een wees wat my kruisie trek
Hulle doen uitstekende werk
Tussen Solidariteit en Afriforum is hul ñ gedugte wenspan.
Deporteer die Nigeriër en verklaar hom persona non grata.
Hysal weer erens “dokumente” kry
Nigeriers moet verban word in die land. Hulle bring net misdaad en help om die land verder te vernietig.
As die doodstraf nie spoedig in SA weer ingested word nie, moet drastiese stappe geneem word om verkragters, menshandelaars, ens uit te ken. Iets soos ‘n Kain merk op die voorkop sodat hul, hulself uit die samelewing kan verwyder uit skaamte.