Bokkaptein Siya Kolisi ondergaan knie-operasie

Siya Kolisi is SA Rugby se speler van die jaar. (Foto: Rodger Bosch/AFP.)

Die Springbokkaptein, Siya Kolisi, het Vrydag ʼn operasie aan sy knie ondergaan, het ʼn vertroulike bron Vrydag aan AFP bevestig.

Dié operasie kom net vier maande voor die Wêreldbeker-rugbytoernooi.

Die 31-jarige flank is verlede naweek tydens ʼn Verenigde Rugbykampioenskap-wedstryd in Durban beseer, wat vrese laat ontstaan ​​het dat hy die Wêreldbekertoernooi in Frankryk, wat op 8 September begin, kan misloop.

“Nadat talle spesialiste geraadpleeg is, het Siya vandag ʼn operasie in Kaapstad ondergaan,” het die bron op voorwaarde van anonimiteit aan AFP gesê.

Volgens die eNuus-joernalis Percivale Young het Kolisi se vrou, Rachel, ook bevestig dat haar man ʼn operasie ondergaan het vir ʼn gedeeltelike skeur aan sy voorste kruisligamente. Kolisi sou vandag ʼn nasionale orde van pres. Cyril Ramaphosa ontvang het, maar kon die seremonie uiteraard nie bywoon nie.

JUST IN: Rachel Kolisi, wife of Springbok captain Siya Kolisi, confirms that he wil NOT be receiving his National Order of Ikhamanga in person today. She says he went for surgery on his knee injury today… #SiyaKolisi pic.twitter.com/rXFTDOEhYj

— Percivale Young (@Percyoung) April 28, 2023

Rachel Kolisi asks the public for powerful prayers for her husband ????

This comes after on Sunday 23 April, Sharks player Siya Kolisi sustained a knee injury during a match against Munster. The couple is also set to embark on an exciting journey abroad. This is after Siya… pic.twitter.com/ktYAFftUBz

— ThiboTalk.com (@ThiboTalk) April 25, 2023

Kolisi word met die Nasionale Orde van Ikhamanga vereer, ʼn toekenning wat aan Suid-Afrikaners wat op die gebied van kuns, kultuur, letterkunde, musiek, joernalistiek en sport uitblink, toegeken word.

Kolisi is vandeesweek meegedeel dat ʼn operasie hom vir tot nege maande kan uitskakel, wat beteken dat hy dalk nie tydens die Wêreldbekertoernooi sal kan speel nie.

ʼn Afsonderlike bron het egter aan AFP gesê daar is “hoop” dat die voorspeler betyds kan herstel om Suid-Afrika te lei wanneer hulle die titel verdedig wat hulle vier jaar gelede in Japan gewen het.

“Die oortuiging vroeg vandeesweek was dat ʼn operasie Siya uit die Wêreldbeker sou haal, maar dit lyk nou of daar hoop is dat hy dalk betyds kan herstel.

“Ons gaan baie positiewe én negatiewe reaksies ná die operasie lees, maar die waarheid is dat niemand nou seker kan wees hoe lank sy herstel sal neem nie,” het die bron gesê.