Bomdreigement by sentrum in Pretoria

(Foto: Kolonnade-winkelsentrum))

Die Kolonnade-winkelsentrum in Montana Park in Pretoria het vanoggend (Dinsdag) ʼn bomdreigement ontvang.

Volgens Monique Janse van Rensburg, bemarkingsbestuurder, het die sentrum se ontvangskantoor omstreeks 09:10 ʼn oproep met dié dreigement ontvang.

“Die winkelsentrum is volgens noodprosedure ontruim. Die polisie en die bomeenheid is tans op perseel en deursoek die winkelsentrum,” lui ʼn verklaring op die sentrum se Facebook-blad.

“Die winkels sal weer heropen sodra die owerhede bevestig dat die sentrum veilig is.”

Maroela Media het navraag aan die polisie en die Kolonnade-winkelsentrumbestuur gestuur, maar wag nog op terugvoer. Die sentrum se landlyn bly ook onbeantwoord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Warren

Dis kommerwekkend hoeveel bom dreigemente begin gebeur. Wanneer gaan een nie net meer n dreigement wees nie? Veral met die EFF se terroristiese optrede en ISIS op ons voorstoep.

Bart-Man

Suid Afrika, beweeg terug in tyd.
Alles weer van voor af.
Die keer met n Masker.

JM

Daar is tog seker metodes in plek om diegene op te spoor wat bomdreigemente maak. Hulle behoort baie swaar gestraf te word!

Bytjienw

Nou wat sal hulle baat by so ‘n valse dreigement…? Was iemand nie lus om te werk vandag nie?