Clicks sluit honderde winkels; Makro sluit alle winkels

(Foto: clicksgroup.co.za)

Clicks het al sy winkels in KwaZulu-Natal en 130 winkels in Gauteng gesluit weens die onluste in die twee provinsies.

Volgens Clicks is al 110 winkels in KwaZulu-Natal gesluit en is ’n totaal van 279 winkels toe nadat skade aan 52 winkels landwyd aangerig is. Dit het ook tot gevolg dat 106 inentingspersele gesluit is.

Clicks, wat 760 winkels het en waarvan meer as 600 ook apteke in die winkels het, het die afgelope paar dae se vandalisme en plundery ten sterkste veroordeel. ’n Kosteraming word nog gedoen rakende die plundering van winkels en die skade wat aangerig is.

“Die onderbreking van dienste beteken dat die betrokke Clicks-winkels tydelik nie inentings kan toedien nie of medisyne aan klante kan voorsien nie, en dat die mediese afhaalpunte in die openbare sektor tydelik nie beskikbaar is nie,” het die kleinhandelaar in ’n verklaring gesê.

“Noodplanne word opgestel om alternatiewe reëlings vir die lewering van chroniese medikasie en die herskedulering van inentings, waar moontlik, te bied.”

Makro het intussen aangekondig dat hy al sy winkels van 13:00 Dinsdag af gesluit het weens die onluste.

Aanlyn bestellings kan moontlik ook vertraag word weens paaie wat versper of gesluit is. “Ons monitor die situasie en sal inligting verskaf rakende verdere verwikkelinge.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

22 Kommentare

jongste oudste gewildste
marius

Goed so . Hou dit gesluit vir maande .

Kokerboom

Wie moet ons bedank: Die ANC in sy korrupte patetiese onbevoegde totaliteit!!!Hoekom verdra ons DIE politieke pandemie???SA het ‘n KIESERPROBLEEM!!!

Adriaan

Ek wonder of cyril weer op TV gaan wees? Eintlik lei hy die land so goed dat hy sy eie kanaal verdien.

Tipper

Die nuwe suid afrika.

Tjom

Moet al die hoender en melk winkels ook sluit