Covid-19: Reinigingsmiddels vlieg van rakke

Handreinigers het die afgelope week van die rakke af gevlieg nadat die eerste gevalle van Covid-19 in Suid-Afrika bevestig is. (Foto: Christel Cornelissen)

Handreinigingsmiddels, handreinigingslappies en chirurgiese handskoene vlieg van die rakke sedert die eerste bevestigde gevalle van die gevreesde nuwe koronavirus bekend as Covid-19 in Suid-Afrika aangemeld is.

Teen Vrydag was dié middels by groot kleinhandelaars soos Dischem, Clicks en Shoprite uitverkoop – dít teen ’n veel hoër prys as gewoonlik natuurlik. Die gemiddelde prys vir 50 ml handreinigingsmiddel is tans R14 terwyl ’n 5 liter veeldoelige reinigingsmiddel soveel as R300 kan kos. Chirurgiese gesigsmaskers kan jou tussen R10 en R20 kos en gespesialiseerde gesigsmaskers kan jou soveel as R600 uit die sak jaag.

Hoewel sommige van die produkte in wese nie buitensporig duur is nie, sukkel vervaardigers om by te hou met die wêreldwye vraag na dié produkte te midde van Covid-19 wat tans paniek in meer as 100 lande saai.

Die Suid-Afrikaanse maatskappy U-Mask wat 30 000 van sy premium N95-gesigmaskers aan die Chinese regering geskenk het om die verspreiding van Covid-19 te help bekamp, ​​sê hy het honderde miljoene bestellings wat nog verwerk moet word.

Suid-Afrika het Italië ook van 800 000 N95-gesigmaskers voorsien, waarna die eerste gevalle kort daarna op tuisbodem aangemeld is.

Argieffoto ter illustrasie (Foto: Kamran Jebreili, AP)

Die vraag na voorraad neem sedert die uitbreking van Covid-19 al meer toe met verskaffers wat nou behoorlik moet bontstaan om voor te bly. Die vraag na chirurgiese gesigsmaskers is die afgelope paar maande ses keer meer, die vraag na N95-gesigsmaskers se vraa het verdriedubbel en dié na chirurgiese oorjasse het verdubbel.

Facebook het intussen aangekondig dat hy alle advertensies vir gesigsmaskers verbied om massahisterie onder sy gebruikers te voorkom.

Covid-19 het toerisme in Afrika ook ʼn lelike knou toegedien.

SafariBooking.com, een van Afrika se grootste aanlynbesprekingsagentskappe vir safari-toere, het gesê die uitbreking van Covid-19 gaan die bedryf swaar tref. Dié maatskappy het ʼn opname onder 361 safari-toeroperateurs gedoen wat bevind het dat ʼn kwart van dié operateurs reeds ʼn afname van 75% in besprekings ervaar.

“Sommige kliënte het hul besprekings uitgestel, terwyl ander dit heeltemal gekanselleer het,” sê ’n operateur.

Argieffoto (Foto: Tracey Adams/ANA)

Die Internasionale Lugvervoervereniging (IATA) het in ʼn verklaring gesê die bedryf se vooruitsigte lyk nie in die stadium goed nie. “Dit is onduidelik hoe die virus gaan ontwikkel, maar dit is ʼn krisis. Die virus sal dalk impak op enkele markte hê en ʼn verlies van $ 63 miljard aan inkomste veroorsaak, of ʼn groter impak hê wat tot ‘n verlies aan inkomste van $ 113 miljard kan lei,” het IATA gesê.

Altesaam 110 029 bevestigde gevalle is teen Maandag in 105 lande aangemeld waaronder Suid-Afrika.

Maroela Media het vroeër berig die departement van gesondheid het nog vier bevestigde gevalle van Covid-19 aangemeld. Dit bring die aantal gevalle in die land op sewe te staan.

Wil jy op hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

11 Kommentare

jongste oudste gewildste
Janee

Jou beurt is jou beurt……skoon hande en omgewing of te nie..

marius

Waarom al die paniek ? Doktor slim en die weermag het mos alles in plek .

Magda

Hoekom nou rond hardloop – Ja dit is n baie groot vrees, maar as dit jou noramale roetine is hoekom nou rond hardloop – Gereeld Hande was is soos eet elke dag !!!!!! Dit moet in jou normale roetine wees.

Leon

En hulle gee al ons maskers weg. Tipies. Gee alles weg en dan probeer jy dit weer terugkoop. Regte ANC strategie.

Africangrey

Ag wat