Suid-Afrika het nou meer as 1 645 500 bevestigde Covid-19-gevalle met 4 623 nuwe gevalle wat aangemeld is.
Dr. Zweli Mkhize, minister van gesondheid, het Woensdagaand bevestig dat 1 645 555 bevestigde Covid-19-gevalle al in die land aangemeld is.
Die sterftesyfer weens Covid-19 staan nou op 56 077 nadat nog 102 sterftes aangemeld is: vier in die Oos-Kaap, ses in die Vrystaat, 24 in Gauteng, vier in KwaZulu-Natal, vyf in Limpopo, vier in Mpumalanga, 45 in Noordwes en nege in die Wes-Kaap.
Tot dusver het 1 546 583 mense reeds van die virus herstel; dit is ’n herstelkoers van 94%.
Suid-Afrika het tot dusver 11 452 185 toetse vir Covid-19 gedoen, 45 877 sedert die vorige verslag.
Altesaam 479 768 gesondheidsorgwerkers is tydens die eerste fase van die inentingsprogram ingeënt. Fase 2 van die inentingsprogram het verlede week begin en 282 135 mense is reeds ingeënt.
Provinsiale statistieke:
Provinsie | Gevalle | Persentasie |
Oos-Kaap | 197 333 | 12% |
Vrystaat | 98 934 | 6% |
Gauteng | 448 366 | 27,2% |
KwaZulu-Natal | 339 241 | 20,6% |
Limpopo | 65 008 | 4% |
Mpumalanga | 81 586 | 5% |
Noordwes | 74 243 | 4,5% |
Noord-Kaap | 48 616 | 3% |
Wes-Kaap | 292 228 | 17,8% |
Totaal | 1 645 555 | 100% |
Sterftes en gevalle wat herstel het:
Provinsie | Sterftes | Herstel | Aktiewe gevalle |
Oos-Kaap | 11 656 | 185 011 | 666 |
Vrystaat | 4 263 | 87 491 | 7 180 |
Gauteng | 11 099 | 424 433 | 12 843 |
KwaZulu-Natal | 10 497 | 324 551 | 4 193 |
Limpopo | 2 415 | 61 977 | 616 |
Mpumalanga | 1 438 | 78 613 | 1 535 |
Noordwes | 1 889 | 67 039 | 5 315 |
Noord-Kaap | 1 046 | 40 197 | 7 373 |
Wes-Kaap | 11 774 | 277 271 | 3 183 |
Totaal | 56 077 | 1 546 583 | 42 895 |
Inentings gaan hopeloos te stadig om derde golf te keer.
Ek verstaan van ‘n kennis wat in Vryburg woonagtig is dat dit op dié stadium rof in hulle dorp gaan wat COVID betref en dat die hospitaal reeds begin om pasiënte na ander hospitale te verwys.
Francois , dit is rof dwarsdeur die hele Noord-Kaap ___ die bruin mense drink en ” party ” waar daar geen sprake is van maskers en / of handhawing van gewenste sosiale afstande nie __ Covid versprei soos ‘n veldbrand hier .
Die Noord Kaap en OVS is huidiglik in die 3 de golf. Duidelike verband tussen sosiale gedrag en hoë infeksietempo.
Gaan luister na Gesondheid op RSG. Gister se potgooi verduidelik dr Streicher van PANDA hoe die derde golf interpreteer moet word. Daar is provinsies wat nie eers ‘n derde golf gaan bereik nie.
Daar is ander wat reeds daarin is.