Argieffoto bloot ter illustrasie van die koronavirus. (Foto: Verskaf)
Suid-Afrika het nou meer as 2 497 600 bevestigde Covid-19-gevalle met 13 777 nuwe gevalle wat aangemeld is.
Die Nasionale Instituut vir Oordraagbare Siektes (Nios) het Donderdagaand bevestig dat 2 497 655 bevestigde Covid-19-gevalle al in die land aangemeld is. Volgens Nios is die jongste positiwiteitskoers 22,3%.
Die meeste nuwe gevalle is in die Wes-Kaap (30%) aangemeld, gevolg deur Gauteng (20%) en KwaZulu-Natal (19%). Die totale aktiewe gevalle is 155 697.
Die sterftesyfer weens Covid-19 staan nou op 73 873 nadat nog 458 sterftes aangemeld is. Tot dusver het 2 268 085 mense reeds van die virus herstel, ’n herstelkoers van 90,8%.
Suid-Afrika het tot dusver 15 093 333 toetse vir Covid-19 gedoen, 61 876 sedert die vorige verslag.
Volgens Nios was daar in die afgelope 24 uur 610 hospitaalopnames. Daar is tans altesaam 15 300 mense wat in hospitale vir Covid-19 behandel word.
Meer as 8,3 miljoen inentings is tot dusver gedoen, waarvan 181 096 in die afgelope 24 uur.
Provinsiale statistieke:
| Provinsie | Nuwe gevalle | Totale gevalle |
| Oos-Kaap | 945 | 232 064 |
| Vrystaat | 604 | 131 352 |
| Gauteng | 2 740 | 872 370 |
| KwaZulu-Natal | 2 667 | 405 077 |
| Limpopo | 451 | 113 385 |
| Mpumalanga | 957 | 128 754 |
| Noordwes | 742 | 130 880 |
| Noord-Kaap | 574 | 69 152 |
| Wes-Kaap | 4 097 | 414 621 |
| Totaal | 13 777 | 2 497 655 |
Sterftes en persone wat herstel het:
| Provinsie | Sterftes | Herstel |
| Oos-Kaap | 12 913 | 211 031 |
| Vrystaat | 5 828 | 113 193 |
| Gauteng | 17 428 | 828 604 |
| KwaZulu-Natal | 11 874 | 363 049 |
| Limpopo | 3 508 | 104 843 |
| Mpumalanga | 1 733 | 119 224 |
| Noordwes | 3 068 | 103 806 |
| Noord-Kaap | 1 781 | 61 569 |
| Wes-Kaap | 15 740 | 362 766 |
| Totaal | 73 873 | 2 268 085 |
Klomp twak. EFF maak soos hulle wil, steur hul nie aan Covid maatreëls nie. Kom weg daarmee en word nie siek nie.
As almal gehoor gee aan die gesondheidsprotokol, behoort daar baie minder positiewe gevalle te wees. Ek sien daagliks hoe die reëls geïgnoreer word.
Getalle Kom Dan glad nie af nie, Inteendeel dit styg en sterftes konstant by 450 per dag.
Sien ek weer oor n week n familie saam trek om 20:00 op n Sondag
Ek het so gehoop ek sien verkeerd….
Gauteng en van die ander provinsies kom af wat reeds die piek van die 3de golf bereik het. Wes Kaap, KwaZulu Natal en ander provinsies gaan nou op want hulle is meer of min in die middel van die golf op die stadium.
Wel wat verwag hulle? Hulle het die reels verslap en dis hoekom die getalle weer klim. CR en sy kalante dink nie verder nie. Sodra hulle sien die getalle verminder dan verslap hy die lockdown reels… plaas hy dit so hou sodat die nommers kan daal maar nee, die kelder word seker leeg dan verslap hy dit om gou weer op te vul. Maar nou ja, dis SA vir jou!
Verslap hy nie die reels as die getalle afkom nie, moan mense. Maak nie saak wat hulle doen nie, mense sal moan. Gaan oral ter wereld so, dis nie uniek nie.
Sien CNN in die VSA het werknemers ontslaan wat sonder inentings sertifikate by die werk opgedaag het. Ons het mos gesê die samelewing sal moeilik word vir die “no-vaxers”. Al wat sal help. Hoop dit gebeur gou hier ook.
Jy het seker sakke vol geld.
Inenting is gratis .
Ek moet die owerhede gelukwens: ongelooflike hoë vlak van daaglikse rapportering? Wakker akkers! Net jammer inenting kom nie naby!!
Ek wens mense wil die erns van die siekte insien en ophou om dit met griep te vergelyk. Hou op om te dink dat jou natuurlike immuniteit jou gaan beskerm want dit doen vir 100de mense per dag nie. Gaan vir jou inenting en hou op glo en versprei dat dit nie werk nie, die merk van die dier is en of jou gaan dood maak. Gaan praat met dokters, nie een nie maar gaan kry die opinie van n paar. Hou op om die Facebook stories, jou buurman en jou vriend se WhatsApp te glo wat net wil paniek saai. Die liewe Vader het ons almal geseen met n gesonde verstand om ingeligte besluite te neem, moet dit nie mors op die sienings van skape nie.
STEM ! Die mense val soos vlieë, maar nogsteeds skop hulle vas. 13 Mense in 5 dae, meer as 2 mense per dag en dis net in ‘n klein gemeenskap in die Noord Kaap. Hoe lyk dit nie oor die hele land nie. Ons mense is besig om selfmoord te pleeg met hulle ore uitleen tendens en dan wil hulle hulle voordoen as geletterd.