Die Suid-Afrikaner Giniel de Villiers het Dinsdag die negende skof van die 2022 Dakar-wedren gewen.
“Die werktuigkundiges het gisteraand baie hard gewerk ná ons die afgelope paar dae probleme ondervind het,” het Giniel ná die oorwinning gesê. “Die voertuig het vandag ongelooflik presteer. Ons het sowat 50 km voor die einde ʼn stadige lekkasie op die linker-voorwiel gehad, maar die band het gehou.”
Giniel het bygevoeg hy is baie bly vir die span en het die werktuigkundiges spesiaal bedank vir hul insette.
Dit is De Villiers (49) se 18de skof-oorwinning by die Dakar. Hy het bygevoeg dit is ʼn raaisel hoe hy en sy voertuig gewoonlik al hoe beter word soos wat die wedren vorder.
Nasser al-Attiyah beweeg al hoe nader om sy vierde titel in te palm van die Dakar-wedren. Die 51-jarige Al-Attiyah van Katar moes die afgelope paar dae toekyk hoe Sebastien Loeb al hoe nader aan sy voorsprong kruip.
Trots, Suid – Afrikaans !!!
‘n Besonderse sportman en meester van sy kuns.
Stem saam
Ditto!! Kry vir “Voin” jammer hierbo, shame, moet n vervelige lewe ly.
Het hy dalk weer oor enige motorfiets manne gery?
Bietjie respek vir hom verloor nadat ek die video gekyk het, hy moes te minste kyk of die man ok was.
Ja, dit is n wedren teen tyd maar as jy bo oor iemand ry stop jy, klaar.