Denel-werkers begin met protesaksie 

Die vakbond Solidariteit het Dinsdag bevestig sy lede by Denel SOC Bpk. begin Woensdag amptelik met protesaksie, terwyl dié vakbond ook ʼn memorandum sowel as ʼn petisie aan Denel se direksie sal oorhandig.

Dit volg nadat Denel vroeër aangekondig het dat dit in Oktober salarisse kan betaal, maar dat November se salarisse en 13de tjeks in die weegskaal is.  Dié staatsmaatskappy het reeds einde September gespook om salarisse aan die bestuur te betaal.

“Dis verregaande van ʼn maatskappy wat in die verlede al telkens van bedenklike finansiële optrede beskuldig is, om van sy werkers te verwag om goedsmoeds voort te gaan met hul werk terwyl hulle nie weet wanneer hulle volgende salaristjek inbetaal gaan word nie,” sê Johan Botha, Solidariteit se adjunkhoofsekretaris.

Volgens Botha het etlike honderde Denel-werknemers hul stem in Solidariteit se aanlyn petisie laat hoor en die besware gelug wat hulle teen die maatskappy en die Denel-direksie het.  “Hierdie werkers wil nou ook deur middel van vreedsame protesaksie die maatskappy van hul misnoeë bewus maak,” het Botha gesê.

Solidariteit-lede sal saam met lede van Uasa, Numsa en Limusa aan die optrede by Denel Dynamics in Nellmapiusstraat, Irene, deelneem.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Jerry

N mens weet regtig nie meer of jy moet lag en of jy moet huil nie! Die skrif is teen die muur, maar julle hou vreedsame optogte! Julle kan regtigwaar eerder maar n bring en braai reel as dit is hoe julle weerstand bied. Sorg tog net asseblief dat iemand julle beskerm sodat julle tog ook nou nie misdaadslagoffer statistiek raak nie!

AW

What about, Nonviolent Civil Disobedience …..

Yankee

Another day in the ?.

Siener van Melbourne

Ek het n paar jaar terug probeer besigheid doen met Denel en my Moses teegekom met korrupsie en nepotisme. Sterkte aan die onskuldiges. Vir die res, ek glimlag so in my stilligheid.

Adrian

Daar is dit, wat die toksiese ANC aan raak verander in diefstal en korrupsie. Saam met die ANC rotte en guptas is die eens vooruitstrewende maatskappy bankrot. Aan die werkers daar begin met n sloerstaking, die maatskappy is in elk geval op sy kniee