Die R24-hoofweg tussen die Edenvale weg-oprit en die Barbara weg-afrit in Edenvale is tans gesluit. (Foto: ITRAFFIC/Twitter)
Die R24-hoofweg tussen die Edenvale‑weg-oprit en die Barbara‑weg-afrit in Edenvale aan die Oos-Rand is tans vir ooswaartse verkeer gesluit ná ’n massiewe dieselstorting wat ’n kettingbotsing tot gevolg gehad het.
Vyf motors was vroeër in dié botsing op die R24 wat na die OR Tambo Internasionale Lughawe lei, betrokke. Twee pasiënte is intussen hospitaal toe geneem vir mediese behandeling.
William Ntladi, woordvoerder van die Ekurhuleni-rampbestuurdiens, sê die dieselstorting raak tans al vier bane van die snelweg en strek ongeveer 800 meter.
Ntladi sê dit is in die stadium onseker wanneer die hoofweg weer oopgestel sal word.
Motoriste word aangeraai om van alternatiewe roetes in Edenvale en Meadowdale gebruik te maak. Dit sluit in die N12 ooswaarts om by die R21 in die rigting van die lughawe aan te sluit.
(U/D) 295678: Crash on R24 Eastbound before Barbara Road, All lanes closed, Expect delays. pic.twitter.com/Uhx5bHNabR
— ITRAFFIC (GP) (@itrafficgp) June 19, 2022
Dis n eerste! Opsetlik??
Onverantwoordelik, teen huidige dieselpryse.