(Grafika: pixabay)
Die styging in die prys van petrol, tesame met ʼn styging in rentekoerse en ʼn tariefverhoging vir krag wat binnekort in werking tree, sal beteken baie Suid-Afrikaners gaan hul rieme al hoe dunner moet sny.
Die styging in die petrolprys beloop 28c/liter, terwyl die prys van diesel wissel tussen ʼn effense styging vir diesel met ʼn hoër swaelinhoud en ʼn daling in die prys van diesel met ʼn laer swaelinhoud.
Die hernieude styging kom nadat die prys van brandstof in Januarie met meer as R2 per liter gedaal het.
Die departement van minerale hulpbronne en energie sê die gemiddelde internasionale produkprys van petrol, diesel en paraffien is hoër vir die betrokke tydperk, terwyl die rand in dié tyd effens teen die Amerikaanse dollar verstewig het. Dit het gelei tot ʼn kleiner bydrae tot die basiese brandstofprys.
Liewe aarde. Sonder om die tydwaarde van geld en inflasie in die prentjie te bring, was brandstofpryse in Januarie 2010 (Petrol minder as R8,00/l en diesel minder as R7,00/l). Hoe lekker sou ons darem nie nou gery het nie.
Nou moet hul weer opmaak vir die verlaging in Januarie.
Die belofte van Goedkoper Brandstof is net so leeg sois Eskom se & Beurtkrag
Gas en parrafien is die probleem. Dit bly gaan net met rande op gas raak nooit goedkoper nie. Dit ruk nou handuit. Al die brandstowwe om kos mee te maak is hemels duur.
Skrap die hoë heffing.