Doeane-beamptes onderskep R6,7 miljoen

Die geld wat gevind is. Foto: Verskaf

Doeane-beamptes het vandeesweek onverklaarde buitelandse valuta ter waarde van nagenoeg R6,7 miljoen by die OR Tambo-lughawe onderskep voor dit die land uit is.

Sicelo Mkosi, waarnemende woordvoerder van die Suid-Afrikaanse Inkomstediens (SAID), het Sondag gesê doeane-beamptes het Donderdag twee passasiers wat op pad was na Dubai voorgekeer voor hulle aan boord hul vlug sou gaan het.

“Bruin koeverte met Amerikaanse dollar is tydens inspeksie in bruin koeverte in hul bagasie gevind. Die totaal van die verskillende note was $568 480,” het Mkosi gesê.

Die beamptes het op die geld beslag gelê en die passasiers na die lughawe se polisie geneem om ʼn kriminele klag van die versuim om geld te verklaar en smokkelary aanhangig te maak.

Die polisie ondersoek die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Drieks

Zuma en die Guptas huur nou mense vir geld smokkel.

Katvis

As dit Rand was her hulle sommer baie tasse nodig gehad.

Andre

Laat my dink aan een van ons ryk Suid Afrikaners wat ook Britse pond (675,000) is sy handbagasie gehad het op ‘n vlug in Europa in 2012. Dit was gelykstaande aan $1m destyds. Aangevoer in die hof dat dit is geld van ‘n diamant transaksie is en dit oorsee gehou was oor SA se valuta beheer regulasies. Eish!!

Hedwig

Ek stem saam met Drieks

Alida

Mens het nie baie grysstof nodig om te weet van wie en aan wie die geld gaan nie.