Dreigemente teenoor joernalis duur voort

Karima Brown.

Die joernalis Karima Brown het Vrydag gesê sy is besig met voorbereiding om die EFF voor die verkiesingshof te daag aangesien die party se ondersteuners voortgaan om haar te dreig en verbaal te mishandel.

“Ek het tot vanoggend nog dreigemente ontvang,” het Brown gesê.

Sy het met haar regspan vergader om ʼn saak teen die EFF aanhangig te maak omdat sy meen die party het die verkiesingsgedragskode oortree nadat Julius Malema haar vandeesweek daarvan beskuldig het dat sy ʼn spioen vir die ANC is. Malema het ook Brown se selfoonnommer gepubliseer en EFF-ondersteuners het summier begin om haar te teister.

“Jy kan maar harder probeer met jou propaganda, dit sal nie werk nie jou ‘spioen’. Ons is gereed vir jou en jou mense. Julius Malema sal die president van hierdie land wees. As jy aanval om te verwoes [sic] moet jy dieselfde verwag of erger,” lui een boodskap.

ʼn Ander lui: “Gaan hang jouself”. Nog een van ʼn nommer in die Verenigde Koningryk lees: “Ons sal vir Juju sterf of ons sal moor vir hom.”

Brown is selfs met verkragting gedreig. Sy het sedertdien ʼn klag van intimidasie by die polisie aanhangig gemaak.

Die aanval op Brown het begin nadat Malema haar op Twitter daarvan beskuldig het dat sy “spioene” na ʼn veldtogvergadering gestuur het wat die EFF met sy “oudstes” in Ekurhuleni se Wyk 6 gehou het. Brown wou inligting oor die geleentheid na kollegas by eNCA stuur, maar het dit per ongeluk na die EFF se WhatsApp-groep gestuur. Malema het toe haar selfoonnommer gepubliseer.

Die verkiesingskode verbied politieke partye om enige taal te gebruik wat geweld kan aanhits en verplig partye om die rol van die media in aanloop en gedurende die verkiesing te respekteer. Indien partye dié kode oortree, kan hulle hul registrasie vir die verkiesing kwyt wees.

Die Suid-Afrikaanse Nasionale Redakteursforum (Sanef) het die EFF se gedrag ten sterkste veroordeel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Afrikaner

DIT is nou tot waar ons in die land gevorder het, en die individu is blootgestel soos nog nooit tevore in die geskiedenis nie. Stadig moet die proses en die reg sy gang gaan, voor daar ‘n moontlikheid is dat geregtigheid eendag sal geskied.

Piet parys

Little malema moet maar pasop dit wat jy ander toe wens gebeur met jou as dit backfire

lewies

Baie sterkte Karima, jy is ‘n dapper mens en jy hanteer jou programme op 702 na 20:00 soos ‘n mens met integriteit. Die waarheid sal seevier, soos dit ook op jou program op radio gebeur!!

Manie

Wat n grap. Die groot nar sou ook vir Zuma gesterf het. Hoe nader sy sterf datum gekom het hoe verder het hy weggehardloop van Zuma

ANA

Hy gáán nog president word, van SA,jaa!
Lag maar,watch this space!
ÁLMAL is bang vir hom en sy party!
Hý kan maak en breek NES HÝ LEKKERKRY hy kom absoluut niks oor!
Die hele ANC vrees hom asook die polisie en howe!
En hy weet dit en hy buit dit uit!
Sy LPs kom niks oor as hulle polisie deur die gesig klap of fotograwe aanrand!