Die skietery het Sondag in die vroeë oggendure plaasgevind. (Foto: SA Polisie)
Die polisie in Mpumalanga is op soek na ʼn bende van drie aanvallers wat Sondag in die vroeë oggendure op ʼn taverne naby Nelspruit toegeslaan en drie mense doodgeskiet het. Nog vier mense is gewond.
Die aanvallers het die taverne in Dondonuld, naby Mayflower, Sondag omstreeks 04:00 binnegestorm, vuurwapens op die gaste gerig en hulle van hul besittings begin beroof, sê brig. Selvy Mohlala, polisiewoordvoerder.
Hulle het onsuksesvol probeer om kontant by die kroegman te buit en het daarna die platejoggie in die kuierplek van sy toerusting beroof.
“Voor hulle weg is, het hulle losgebrand en sewe mense is getref. Twee het op die toneel gesterf en die derde is by ʼn plaaslike kliniek dood,” sê Mohlala.
Nog vier mense is na ʼn hospitaal vir behandeling geneem en twee mense is dadelik ontslaan.
ʼn Saak van moord, poging tot moord en ʼn sakeroof word ondersoek. Die polisieondersoek duur voort, maar niemand is nog in hegtenis geneem nie.
sinnelose geweld in die land
Hoekom is daai taverne nog oop daai tyd van die oggend, tensy dit ‘n “enteraintment licence” het en dan mag hul nie drank verkoop nie,andersins moes hul al 2 uur hul deure gesluit het.
Pure gekheid. Geen wets toepassing nie.