Drie kinders van die Maunatlala-nedersetting buite Tzaneen in Limpopo, het verdrink nadat hulle saam met ʼn groep vriende in ʼn plaaslike dam gaan swem het.
Volgens brig. Motlafela Mojapelo, polisiewoordvoerder vir Limpopo, het die insident Vrydag om 16:30 plaasgevind.
“Die oorledenes, ʼn 8-jarige meisie, haar 5-jarige broer en ʼn ander 5-jarige familielid het na wat verneem word saam met vriende gaan swem, toe hulle verdrink het. Die ander kinders in die groep het huis toe gehardloop om hul ouers te roep. Lede van die gemeenskap het hulle na die dam gehaas en kon die drie uit die water haal,” sê Mojapelo.
Lede van die gemeenskap het die polisie in kennis gestel en met hul aankoms is die drie kinders langs die dam aangetref. “Hulle is na die Kgapane-hospitaal geneem, waar hulle dood verklaar is,” sê Mojapelo.
Lt.genl. Nneke Ledwaba, provinsiale polisiekommissaris, het ouers gemaan om altyd seker te wees waar hul kinders hulle bevind sodat dié tipe insident vermy kan word.
ʼn Geregtelike doodsondersoek word nou gedoen.
Dis tragies maar wie gaan hulle nou vervolg. Die eienaar van die dam?
Of die visse
Seker ja
Baie hartseer.
Anel
Sorry ek ook gewonder
Seker mafusie sal erens n persoon kry om skuld voor te gee
Ja Lorna ek dink ook hulle moet vir Lesufi vra om vas te stel wie skuldig is. Hy is blykbaar ń kenner op die gebied en daar moet glo in alle gevalle ń skuldige wees.
Stem saam met jou Lorna maar ongelukkig het my antwoord op jou kommentaar iewers langs die pad verdwyn.