Die Johannesburgse nooddienste en polisie is op die toneel waar drie mans vasgekeer is nadat ʼn gebou gedeeltelik ineengestort het.
“Die plaaslike soek- en reddingseenheid is tans by die gebou in Power Park in Soweto,” het Nana Radebe, ʼn woordvoerder van die nooddienste, Woensdag gesê.
Sewe mans, wat glo besig was om kabels en metaal te steel, was binne die gebou toe dit ineengestort het. Drie van die sewe kon daarin slaag om te ontsnap. Een persoon is tydens die voorval beseer. Dié persoon het die nooddienste ontbied.
“Nooddienste is omstreeks 07:30 ontbied. Die beseerde man is op die toneel gestabiliseer en na die Chris Hani Baragwanath-hospitaal geneem vir verdere behandeling,” het Radebe bygevoeg.
Die polisie is ook op die toneel en ondersoek die voorval – SAPA
Foto’s verskaf.
wat soek hul daar, laat hul aan hul eie lot oor
Beslis verkeerde tyd op die verkeerde plek………………………:-)
Besig om te steel en nou moet die belasting betaler betaal vir hospitaal onkostes. Wat ‘n grap. Een va die dae is daar nie meer piesangbome in banana republic nie.