EFF: ‘Springbok-rugby ʼn simbool van wit oppergesag’

Faf de Klerk vier fees ná die Springbokke met Engeland afgereken het (2 November 2019) (Foto: AP Photo/Christophe Ena)

Die EFF het weer Dinsdag geweier om die Springbok-rugbyspan geluk te wens en gesê daar sal geen rasse-enigheid in Suid-Afrika wees voordat rykdom nie eweredig verdeel word en die land teruggegee word aan dié van wie dit gevat is nie.

Lede van die parlement het Dinsdag gedebatteer oor of hulle ʼn mosie moet aanvaar om die Springbok-rugbyspan geluk te wens met die sege in die Wêreldbeker-rugbytoernooi. Tydens die debat het die EFF-LP Mbuyiseni Ndlozi gesê die oproep om die nasionale span te ondersteun is ʼn vorm van mishandeling van swart mense. Dit is omdat hulle gevra word om ʼn sportsoort heilig te verklaar, wat steeds tekenend is van wit oppergesag.

“Die Springbok as simbool is soortgelyk aan ‘Die Stem’ en beklemtoon die wit oppergesag in ons samelewing. Dit is hoekom ons rugbyspan oorheers word deur wit mense. Dit reflekteer die feit dat wit mense die afgelope 25 jaar verandering in ons samelewing teenstaan,” het Ndlozi gesê.

EFF-woordvoerder Mbuyiseni Ndlozi. (Foto: Facebook)

Hy het ook gesê die feesviering met die Bokke se terugkeer was nie eg nie, omdat dit van swart mense verwag het om deel te word van ʼn nagemaakte idee van transformasie.

Ndlozi het verder gesê dat Springbok-kaptein Siya Kolisi ʼn wit skool (Grey High School in Port-Elizabeth) moes bywoon om aanvaar te word in die span. “Daar is meer swart mense in die Oos-Kaap as wat daar wit mense in Suid-Afrika is,” het hy gesê.

Hy het ook verwys na die klag van haatspraak teen Bokslot Eben Etzebeth. “Hoekom moet ons hierdie span ondersteun wat, as hulle bymekaar is, ons bobbejane noem?”

In teenstelling hiermee het pres. Cyril Ramaphosa die span weer eens gelukgewens met hul inspirerende voorbeeld van wat Suid-Afrika kan vermag wanneer verskillende rasse met mekaar saamwerk.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Gielie Hill

Die EFF weet al manier hoe hulle stemme kan kry is as die mense ongelukkig, honger en sonder werk sit. Sodra daar samewerking, sukses is rn dinge verbeter in hierdie land. Gaan hulle steun verloor.

S smith

Hoekom moet alles altys oor rasse uit draai??? Sie bokke het gewen, wow, yay, geluk, gun dit vir die span, geen blanke gaan aan oor die kaptein nie n blanke is nie, want ons gun dit vir hom… Eks al so moeg dat mens n klip optel en daar word bespiegel oor n rasse kaart, die duiwel sit ook onder die klip, maar wat sien EFF en daai partye… Net die ras.

Bokkie

Die EFF is soos ‘n klomp kinders wat deur niemand ernstig opneem behoort te word nie!! Hulle behoort geen publisiteit te kry nie!!

Arrie

Bobbejaan klim die berg, om die boere te vererg….ek hou van die liedjie.

MT

Die EFF ly aan Klein Mannetjie sindroom!