Motoriste kan moontlik volgende maand ʼn effense daling in brandstofpryse verwag.
Die prys van petrol kan met nege sent per liter daal terwyl diesel na verwagting met sewe sent en paraffien met 12 sent kan daal.
Volgens die Outomobiel-Assosiasie (AA) is die moontlike daling in brandstofpryse te wyte aan die internasionale olieprys wat steeds onder druk bly.
Die rand het sedert die begin van die maand verstewig teenoor die dollar maar het sedertdien weer beduidend verswak. Die gemiddelde rand/dollar-wisselkoers het van R16,80 na R17,40 gestyg.
“Indien die rand egter verder teenoor die dollar gaan verswak, kan dit die prentjie verander. As die wisselkoers vir die res van die maand stabiel bly, kan motoriste slegs ’n geringe daling in brandstofpryse vir volgende maand verwag.”
‘n Daling in die brandstofprys is eerder te danke aan iets, as wat dit te wyte is.