Egpaar op KZN-plaas vermoor

(Argieffoto: Lorraine Claasen)

Die liggame van ’n egpaar is Sondag vroegoggend op hul plaas in die omgewing van Normandien naby Newcastle in KwaZulu-Natal, aangetref.

Dana Geel, bestuurder van die plaaslike plaaswag, het Sondagoggend aan Maroela Media gesê ’n lid van die plaaswag het omstreeks 05:25 ’n roetine besoek op die plaas afgelê toe hy die liggame van ’n man en vrou voor die voordeur van die plaashuis aangetref het.

Albei het skietwonde gehad. Die egpaar se hond het langs hulle gelê. Dié dier is ook geskiet.

Volgens Geel het die lid van die plaaswag hom na die toneel ontbied en hy het die polisie in kennis gestel.

Daar word in dié stadium vermoed dat die egpaar Saterdagaand van elders tuis gekom het en toe deur aanvallers by die plaashuis se voordeur oorval en doodgeskiet is.

“Dit lyk of die aanvallers vroeër by die agterdeur ingekom het en die huis geplunder het toe die egpaar hulle vermoedelik verras het.”

Volgens Geel is dit nie in dié stadium duidelik wat uit die huis gesteel is nie aangesien waardevolle besittings soos skootrekenaars en juwele vanoggend in die huis aangetref is.

Die aanvallers het wel met die egpaar se motor op die vlug geslaan. Dié motor is intussen verlate naby Ladysmith aangetref. Daar was egter geen teken van die aanvallers nie.

Geel het gesê die polisie is in dié stadium steeds op die toneel.

Maroela Media het ’n navraag aan die polisie gerig en wag op terugvoer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Werner

72% is daar net om te moor

Brenda

Hoekom altyd moor dit is so sinneloos.

Jaco

Die wereld moet weet wat aangaan in suid afrika. Anders gaan dit nooit stop.

Pieter

Ons moet wakker skrik

Lorna

Al die bikers wat so saam ry vir optog teen plaasmoorde is amazing maar dit lyk nie of dit help nie
Die klomp haters word nie afgeskrik deur ons die boodskap by ramaposa wil afdwing nie die moordenaars lees nie eers die koerant nie
Daar moet en sekerlik is n oplossing wees maar ek kan nie die platform gebruik vir dit nie
Genade Vader help ons want ons kan dit nie self doen nie
Sterkte aan famielies en vriende