(Argieffoto: ER24)
Twee elektrisiëns het ernstige brandwonde opgedoen toe ʼn substasie in Vredehoek waaraan hulle gewerk het, ontplof het.
Die twee het Saterdagoggend gewerk om kragtoevoer na die gebied te probeer herstel, het Ross Campbell, woordvoerder van ER24, gesê.
Verskeie buurte sit sonder kragtoevoer ná Vrydag se sterk wind en swaar reën oor Kaapstad.
Die twee mans het brandwonde opgedoen toe hulle ʼn elektrisiteitsboks oopgemaak het, het Campbell gesê.
Een van die mans is in ʼn ernstige toestand.
Die oorsaak van die ontploffing is nog nie bekend nie. Die Kaapstadse brandweer, elektrisiteitsdepartement, asook die polisie was op die toneel, het Campbell gesê.
“Kragboks” … ag wel wat kan mense sê
Geen komentare nie. Seker omdat dit min sensasie is..
Hier in daspoort omgewing ook nounet krag af
Laagwater brug het kragbox aan die brand geslaan
Sterkte aan mense wat beseer is
Nog nie gehoor van arc flashing en beskermde toerusting nie?
neem aan die personeel moet hulleself “earth”…selfde potentiaal as die box/ enclosure…..
Waarskynlik agv swak instandhouding!
Is “kragboks” en “elektrisiteitsboks” die beste afrikaanse woorde?
Sou jy moontlik elektrisiteitvoorsienendekragomhulsel verkies?
Zef my ou, Poena is koning!
Nee johan.
Distribusie paneel klink baie beter.
Ek kyk boks op tv.
En ja die omhulsel voorsien nie krag nie.
Kragvoorsieningskas of kragkas ‘for short’!