Eskom ontken Zim het kragrekening betaal

zimbabwe

Argieffoto

Eskom het ontken dat hy enigsins geld van Zimbabwe af ontvang het om die Afrikaland se enorme skuld by die kragvoorsiener te dek.

Dit kom nadat die Zimbabwe Herald vandeesweek berig het Monica Mutsvangwa, Zimbabwe se minister van reklame en uitsaaidienste, het gesê die land het $10 miljoen (sowat R144 miljoen) aan Eskom betaal om sy skuld by die kragvoorsiener te verminder.

Eskom het egter Vrydag gesê dit is nie waar nie. “Eskom wil dit stel: teen 15:00 op 28 Junie is daar geen inbetalings getoon vir Zimbabwe se uitstaande skuld nie,” lui ʼn kort verklaring. “Sodra Eskom die geld ontvang, sal ons in verdere gesprekke met Zesa [Zimbabwe se elektrisiteitsvoorsieningsowerheid] tree.”

eNCA berig Zimbabwe skuld Eskom meer as $40 miljoen (sowat R563 miljoen) vir elektrisiteit wat hy oor die jare ontvang het. Volgens berigte het Fortune Chasi, Eskom se minister van energie, erken die situasie is kritiek en die land moet hom staal vir moeilike tye.

New Zimbabwe berig die kragsituasie in Suid-Afrika se buurland is só beroerd dat sommige huishoudings en ondernemings tot 15 uur per dag sonder elektrisiteit moet klaarkom.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

38 Kommentare

jongste oudste gewildste
Kobus

Hoekom het die skuld so opgehoop
Nou moet ons die gelag betaal

Johann

BLOUDRUK van n eens welvarende selfversorgende land wat aan die AFRIKA KULTUUR van me myself and I bkootgestel is. Ontneem van Logika, Bestuursbeginsels, Verandwoording en verandwoordelikheid…hoekom klink dit so bekend?

Ian

Ons is vinnig in dieselfde rigting oppad as Zim.

Maar dis seker ook Jan van Riebeeck se skuld.

leser

waarom word hul krag nie net afgesny soos wat by party munisipaliteite gebeur het ?

Riaan

Hulle moet nie kla nie – Hulle HET MOS GROND ! !