Eskom: Steenkoolaflewerings weens ‘veiligheidsredes’ gestaak

Betoging by Eskom se Megawatt Park in Johannesburg (14 Junie 2018). Foto: Twitter via @NUM_Media

Eskom het Donderdag gesê alle steenkoolaflewerings per pad is gestaak weens veiligheidsredes nadat protesaksies by verskeie van die kragvoorsiener se aanlegte en streekskantore begin is.

Die kragreus het in ʼn verklaring bevestig dat opwekking en verspreiding van elektrisiteit op sy landswye kragnetwerk “beperk is” aangesien dié protesaksie met sabotasie en intimidasie gepaardgaan.

“Daar was verskeie voorvalle waar personeel aangeval is, paaie versper is en elektrisiteitsinfrastruktuur opsetlik beskadig is,” lui die verklaring. “Steenkoolaflewerings op die paaie is dus gestaak. Die veiligheid van ons werknemers is van kardinale belang in hierdie tyd.”

Volgens die kragvoorsiener is die kragstasies wat die ergste deur die betogings geraak word dié van Hendrina, Camden, Kendal en Arnot, wat almal in Mpumalanga geleë is.

Maroela Media het vroeër berig lede van die vakbonde NUM en Numsa het Donderdagoggend in groot groepe buite Megawatt Park in Johannesburg saamgedrom. Die werkers eis ʼn salarisverhoging, maar Eskom het reeds vroeër gesê die kragvoorsiener se benarde finansiële posisie laat hom nie toe om enige verhogings aan te bied nie.

NUM het op sy amptelike Twitter-profiel gesê ongeveer 3 000 werkers sal na verwagting aan dié betoging deelneem.

Eskom het gesê hy sal deur die dag gereeld nuwe inligting deurgee oor die stand van kragtoevoer in die land.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Inmekaartuimel

Here we go again…hierdie “siekte” is nou reg deur die land versprei en President Ramaphosa staan en toekyk hoe die land inmekaartuimel.

Rynhardt

Al die opsetlike en beplande protesaksies ?????gaan SA liederlik in donkerte dompel met meer chaos! ???Wonder wat se die wat glo dat Ramaphosa SA gaan red?????Veral Rapport het Sondag sy hart❤❤❤ uitgeskreeu vir Cyril.Moeilike winter en jaar le voor!?????

Martin

Wat van die bonusse, gaan dit ook gestop word hierdie jaar? veral die buitensporige bonusse vir top bestuur terwyl daar die afgelope jaar geen “performance” en winste was nie.

Verstommend

Snaaks hoe daar meer as 8 miljoen beskikbaar was vir al die karre, maar geen geld vir salars vehoging nie!!!

marous

Staan saam en stig ‘n belatingbetalers vakbond en staak om te betaal …….