Familie ondersoek self Belfast-slaandood

Pierre de Necker was 'n groot diereliefhebber. Foto: Verskaf

Pierre de Necker was ‘n groot diereliefhebber. Foto: Verskaf

Pierre de Necker (24) se familie sal sorg dat diegene wat verantwoordelik is vir hul geliefde se wrede slaandood in Belfast, Mpumalanga, vervolg word, al moet hulle self die saak ondersoek.

Lion de Necker, Pierre se pa en ʼn oudpolisieman, het Maandag aan Maroela Media gesê hy het ná Pierre se moord sy eie ondersoek begin aangesien hy nie tevrede is met die manier waarop die Belfast-polisie die saak sover hanteer het nie.

“Ons het verskeie bewyse en inligting ingewin van mense en voertuie wat by die voorval betrokke was. Ons sal dit aan senior polisiebeamptes, wat nie aan die Belfast-polisie verbonde is nie, oorhandig in die hoop dat iets dan gedoen sal word.”

Pierre is verlede Vrydagaand so erg aangerand dat hy ʼn dag later in die hospitaal aan sy beserings beswyk het. ʼn Groep van tussen 15 en 20 mense het glo die reg in eie hande geneem nadat hulle Pierre van die diefstal van ʼn motor verdink het. Die voorval hou glo verband met die diefstal van ʼn wit Volkswagen Golf, wat vroeër as gesteel by die polisie aangemeld is.

Vier mense is verlede Maandag in verband met Pierre se moord in hegtenis geneem, maar is later dieselfde dag weer vrygelaat nadat hul verklarings afgelê is. Die verklarings is aan die senior staatsaanklaer verskaf, wat nou sal besluit watter verdere optrede teen die mense gevolg moet word.

Sers. Kwapa Macdonald, polisiewoordvoerder van die Belfast-polisie, het Maandag aan Maroela Media gesê niemand is verder weens die moord in hegtenis geneem nie en dat die staatsaanklaer se besluit steeds hangend is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
Theresa

Ja, ek kan verstaan dat mens self ‘n ondersoek van stapel sal stuur. Mens se kind is te kosbaar om dit daar te laat. En wanneer 15 – 20 mense deelnaam aan so ‘n vreeslike aanval, is grens dit nie meer aan menslikheid nie. Baie sterkte en mag regverdigheid seëvier. Baie sterkte aan die familie.

Asjas

Kan ‘n seviele saam teen betrokkenes gemaak word as privaat persoon hul betrokkenheid kan bewys??
Wat van die versprei van die foto? Dit is sonder sy toestemming gedoen?

Charmaine

My hart gaan uit na daai ouers – dis n skande dat n wit kind se moord as onbenullig gesien word. As ek daai ouers was sou ek dieselfde gedoen het want of hulle gee nie aandag aan die probleem nie of die docket gaan 1 voudig net verdwyn….Jammer hulle het die reg gehad om jou lewe te neem, ongelukkig het die inbrekers, verkragters en moordenaars vandag meer se in ons land as die mense aan wie dit gedoen word.

Ek

Wat verwag julle hy is wit wie wil nog opstaan vir ‘n wirman.

Charmaine

Many many sommer many moons ago was die Polisie wat hul werk met liefde en passie gedoen het, vandag???? Laat my dink aan Noot vir Noot….en hier is n R100’tjies vir jou, draai jou gesig anderkant toe!!!! Jammer vir die wat so hard probeer om ons anders te bewys, 1 vrot aartappel, maak n hele sak vrot!!!!