(Argieffoto: Dall-E)
Eskom het ’n kort ruk gelede aangekondig dat beurtkrag kort ná 18:00 vanaf fase 2 tot fase 3 verhoog moes word.
Die kragvoorsiener sê die hoër as verwagte vraag na elektrisiteit het hom vroegaand genoop om van fase te verander.
Dié onverwagse wysiging volg maar enkele ure ná Eskom aangekondig het dat fase 2 oornag sou geld voordat fase 3 Donderdag 05:00 sou inskop en tot 16:00 sou geld, gevolg deur fase 4 tot Vrydag om 05:00.
Fase 3 duur nou langer, maar steeds tot Donderdag 16:00.
“Die voorheen bepaalde beurtkragskedules duur dan voort,” sê Eskom.
Maroela Media het vroeër vandag berig onbeplande instandhoudingswerk het teen vanmiddag tot ʼn verlies van 15 089 MW gelei, terwyl nog 7 147 MW weens beplande instandhoudingswerk nie gebruik kon word nie.
Stage 3 load shedding was implemented at 18:11 due to a higher than anticipated demand experienced tonight. This will continue until 16:00 when previously communicated load shedding schedules will resume.
— Eskom Hld SOC Ltd (@Eskom_SA) March 29, 2023
