Die Suider-Strand-biblioteek in die Strand is Saterdag vroegoggend tydens ’n brand vernietig.
Zahid Badroodien, burgemeesterskomiteelid vir gemeenskapsveiligheid en gesondheid, sê die nooddienste is omstreeks 05:37 ontbied. Die openbare biblioteek was in dié stadium in ligte laaie.
Brandbestryders kon daarin slaag om die vlamme teen 08:02 geblus te kry.
Die biblioteek is egter in puin gelê. “Dit was hartverskeurend om die omvang van die skade te aanskou nadat die brand deur die hele fasiliteit versprei en alles vernietig het,” het Badroodien ná afloop van ’n besoek aan die biblioteek gesê.
“Honderde gereelde gebruikers van die biblioteek word nou gestrand gelaat.”
Volgens Badroodien sal die metro dringend met die proses begin om die biblioteek se dienste so gou moontlik te herstel.
Die oorsaak van die brand is in dié stadium onduidelik. ’n Ondersoek is van stapel gestuur.
South Strand Library Update – This morning I visited the library following reports that the facility caught fire in the early hours of Saturday morning. It was heartbreaking to witness the extent of the damage as the fire swept through the entire facility, destroying everything. pic.twitter.com/0R5Rn0KDdU
— Dr Zahid Badroodien (@ZahidBadroodien) February 27, 2021
Ondersoeke na brande word gedoen maar nooit antwoorde nie
Brandstigting of Nslatighrid
Ek dink nslatighrid.
‘n Absolute tragedie!
“the facility caught fire” en “die motor het die pad verlaat” is ‘sinonieme’ …
Ai dis jammer, boeke is kennis. Sal ook graag will weet hóé die brand ontstaan het.