[Foto’s] Polisie soek dié vier vroue wat huise roof

Foto: Verskaf

Foto: Verskaf

Die polisie is op soek na vier vroue in verband met talle voorvalle van diefstal en huisroof in die Pretoriase Moot, Villieria en Brooklyn.

Kapt. Colette Weilbach, woordvoerder van die polisie, het gesê die vroue klop glo by huise in die omgewing aan en vra om die badkamer te gebruik. “Een van die vroue is glo swanger en almal het ʼn ligte gelaatskleur en praat Engels en Sotho.”

Weilbach het gesê ʼn huishulp is Donderdag deur die vier vroue genader terwyl sy besig was om tuin nat te gooi. “Twee van die vroue het gevra om die badkamer te gebruik. Sy het hulle na buitetoilet geneem. Met hul terugkeer het sy die hek vir hulle oopgemaak waarna die ander twee vroue ook die erf binnegekom het.

“Een van die vroue het na die huis gehardloop en die huishulp het haar probeer keer. Die vroue het die huishulp met ʼn vuurwapen in die huis gedwing. Die vroue het glo kontant en ʼn skootrekenaar gesteel voordat hulle gevlug het.”

Volgens Weilbach ondersoeke verskeie naburige polisiestasies soortgelyke sake van diefstal wat glo deur dieselfde vier vroue gepleeg is. Weilbach het ʼn beroep op huiseienaars gedoen om hul huiswerkers op te voed en in te lig om hierdie soort rooftogte te verhoed.

Enigiemand met inligting kan die Brooklyn-polisiestasie kontak by 012 366 1735/6.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

33 Kommentare

jongste oudste gewildste
Annie

Vanoggend is iemand in Nylstroom ook deer 4 vroue oorval en beroof. Die egpaar se huis is in die mark en die 4 het gevra om die huis te sien want hulle stel moontlik belang. Ek wonder of dit dieselfde vroue is?

Ginger

Die “mense” is net aklig.

Anneke

Die foto’s spreek boekdele. Vervlakste “ladies” . Prop hulle in n lekker vuil tronk met min kos want as jy na die lywe kyk eet hulle hulle dik aan die lekkernye wat hulle met gesteelde goedere se geld aankoop.

plaasboer

sal nooit weer enige kommentaar op hierdie forum plaas nadat vorige kommentare gewoon ge-ignoreer is nie.

jemma

“deer” en “aklig”…asb annie en ginger leer spel