Foto’s van ontsnaptes uitgereik

Van die gevangenes wat ontsnap het. Foto’s: Verskaf

Die polisie het foto’s van sommige van die 20 verhoorafwagtende gevangenes wat Dinsdagmiddag uit ʼn vangwa in Johannesburg ontsnap het, uitgereik.

Kol. Lungelo Dlamini, provinsiale polisiewoordvoerder van Gauteng, het Woensdag gesê ʼn polisievangwa het die gevangenes teen 16:00 van die Johannesburg-landdroshof na die Johannesburgse Korrektiewe Dienste vervoer toe die ontsnapping plaasgevind het.

“Die vangwa is by Pat Mbathaweg naby die South Gate-treinstasie in ʼn hinderlaag gelei. ʼn Groep swaargewapende mans het met gewere toegeslaan en die wa se deur oopgebreek waarna die gevangenes ontsnap het,” het Dlamini gesê.

Polisiebeamptes is nie tydens die voorval beseer nie.

Die ontsnaptes word aangekla van verskeie misdrywe waaronder gewapende roof, huisbraak, diefstal en die besit van dwelms.

Een van die gevangenes is reeds tot 17 jaar tronkstraf gevonnis nadat hy skuldig bevind is aan gewapende roof.

Verskeie leidrade word opgevolg om hulle op te spoor.

Dlamini het gewaarsku dat die verdagtes as gevaarlik beskou moet word en dat die publiek die polisie dadelik moet bel as die ontsnaptes opgemerk word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
Witbooi

Geen kommentaar.

Gerrit

As hulle gevang word weer staan hulle n goeie kans om ok leiers te word van die land

Leahim

Skreeusnaaks wys die narre wat hulle verloor het?‍♂️???

Ander Annie

Ek skrik vir my in ‘n ander bloedgroep in as ek hulle moet sien. Geharde misdadigers. Inside job.

CHRISTA

Hoe word 20 gevangenis in EEN vangwa vervoer? Jy kan nie eers 20 mense in een minibus laai nie!! Hierdie ontsnapping lyk vir my baie verdag!!!