Foto’s: Van St. James se kleurryke hokkies in brand vernietig

Foto: Verskaf

Drie van die ikoniese kleurryke aantrekhokkies op St. James-strand in die Kaapse Skiereiland is Saterdag in die vroeë oggendure in ʼn brand vernietig.

Wayne Dyason, woordvoerder vir Kaapstad se wetstoepassingsafdeling, het gesê die brand is omstreeks 01:00 deur wetstoepassingsbeamptes opgemerk. Brandbestryders het die brand geblus.

Foto: Suné van Heerden

“Drie van die hokkies is heeltemal vernietig terwyl twee gedeeltelik beskadig is.” Volgens Dyason is die oorsaak van die brand nog nie bekend nie.

Dié aantrekhokkies is wêreldbekend. Derduisende toeriste probeer jaarliks hier die perfekte foto vasvang voor die kleurryke hokkies op die strand en met die berge in die agtergrond.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Hydi

En so brand Suid Afrika – eish!!

Jacobus

Val so reg in die verwoestings narratief!

Byekonfyt

Ag nee… hoop dit word gou herstel. Daardie hokkies was altyd poskaartmooi.

Simon

En wie moet ons bedank?….

Jax

ANC – julle is 100% verantwoordelik vir al hierdie onrus en brande. Julle verwoes hierdie pragtige land! Sies (dit is die enigste beskaafde woord wat ek kan uitdink)!!!!!