[Foto’s] Vrou sterf ná bus by steilte afrol

Foto: ER24

Foto: ER24

ʼn Vrou in haar 30s is dood en 17 mense is beseer, nadat ʼn bus Woensdag teen ʼn steilte naby Tzaneen in Limpopo afgerol het.

Russel Meiring, woordvoerder van ER24, het gesê die bus het die Deer Park-pad verlaat, verskeie kere gerol en op sy dak tot stilstand gekom.

“Die vrou is weens verskeie beserings dood nadat sy onder die bus beland het. Die brandweer moes deur die bus se dak sny om by haar liggaam uit te kom,” het Meiring gesê.

Die 17 beseerdes, waarvan twee kritiek was, is op die toneel gestabiliseer en na verskeie hospitale geneem vir verdere behandeling.

Bus rolls down embankment killing one, injuring 17 (1)

Foto: ER24

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae