ʼn Verdere verbetering in Eskom se opwekkingskapasiteit het daar toe gelei dat beurtkrag vandag opgeskort word, maar net tot die son sak.
Die kragvoorsiener het Saterdag aangekondig dat hy beurtkrag van 11:00 tot 16:00 vandag opskort.
Fase 3-beurtkrag sal egter weer van 16:00 van krag wees tot en met Sondag om 05:00.
“Daarna sal beurtkrag ingestel word soos voorheen gekommunikeer is,” sê Eskom.
Dit beteken dat fase 2-beurtkrag Sondag deur die dag ingestel gaan word, gevolg deur fase 4 in die aand.
“Eskom sal aandui as daar enige beduidende verandering in die opwekkingskapasiteit is.”