Gesin glo met strykysters op kleinhoewe gebrand

Argieffoto: Nico Strydom

Die polisie het ʼn reusesoektog van stapel gestuur nadat ʼn gesin van drie Maandag wreedaardig in hul huis op ʼn kleinhoewe in Westonaria in Gauteng aangeval is.

Sers. Linkie Lefakane, woordvoerder van die polisie, het gesê die voorval het Maandag omstreeks 19:00 plaasgevind.

Drift Reaction-veiligheidsmaatskappy het in ʼn verklaring gesê die voorval het plaasgevind toe die man, vermoedelik 50 jaar oud, by die huis aangekom het en deur vyf aanvallers, van wie vier klapmusse gedra het, aangeval is.

“Die man is in die huis ingeneem waar hy, sy vrou en hul 25-jarige dogter vasgebind is met hul eie tou,” lui die verklaring.

Luidens die verklaring het die aanvallers een van elk van die slagoffers se ore met ʼn vuurwarm strykyster gebrand. Die aanval het glo ongeveer drie uur lank geduur.

Volgens Drift Reaction was een van die aanvallers wat ʼn klapmus aangehad het bekend aan die gesin en het hy ingetree en verseker dat hulle nie vermoor word nie. “Die familie is erg getraumatiseer.”

Lefakane het gesê nadat die gesin se hande en voete vasgebind is, het die aanvallers geld geëis. “Die slagoffers het vir hulle gesê hulle het nie geld nie. Een van die verdagtes het toe ʼn oproep gemaak en nadat hy afgelui het vir een van die ouers gevra om hom na die slaapkamer te vat waar die kluis was,” het Lefakane gesê.

Marius Müller, nasionale operasionele koördineerder van AfriForum, het die voorval ook aan Maroela Media bevestig. Volgens Müller het die aanvallers van die toneel gevlug met vuurwapens, selfone, skootrekenaars en elektroniese toebehore.

Die aanvallers het van die toneel gevlug in die gesin se Land Rover Freelander met die nommerplaat LLX310GP.

Die polisie ondersoek ʼn saak van huisroof.

Enigiemand met inligting oor die voorval kan die Bekkersdal-polisie bel by 011 755 000 of Stop Misdaad by 0860 010 111.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

40 Kommentare

jongste oudste gewildste
Skokkend

GLO?? Sal die mense dan jok ofhulleself op hulle rue brand met ‘n strykyster? Het julle die fotos gesien? Dit is HORRIFIC, maar dit is net gewone crime op witmense .. want swartmense word ook aangeval . ek worder DEUR WIE?? Terwyl liberale en die regering in ontkenning is sal daar nooit teen misdaad in SA opgetree word nie VERAL nie waar ‘n witmens die SLAGOFFER Is nie.

jean

En die menere in die land en die buiteland leef in la-la land……hier gebeur mos nie sulke dinge…..

Anoniem

Huisroof!!!….. aag asseblief aanranding met due doel huisroof poging tot moord om mense met strykyster te brand . Sterkte aan die familie . Hou jul oog op JESUS gevestig !!!!!

Anoniem

Wat ‘n agterbakse en lafhartige DAAD ! Julle sal eendag by God moet verantwoording doen en weet verseker dit sal erger wees as ‘n WARM STRYKYSTER se PYN ???

Nel

Huistoof!!!! Liewe genade!!! Poging tot moord, aanrading tot die ergste graad!!!