Gesin tydens aanval op Pta-plaas aangehou

Argieffoto: SAPD

Argieffoto: SAPD

ʼn Gesin is Vrydag in die vroeë oggendure deur vier mans op ʼn plaas buite Pretoria aangehou en beroof.

Kapt. Johannes Maheso, polisiewoordvoerder, het aan Maroela Media gesê vier mans, van wie twee met pistole gewapen was, het net ná middernag op die slagoffers se huis in die Buffelsdrift-Bawrea-omgewing in Kameeldrift, noordoos van die stad, toegeslaan.

“Die verdagtes het die huis ingestorm en die huiseienaar oorweldig toe hy gaan ondersoek instel het,” het Maheso gesê. “Hulle het hom gegryp en met kabelbinders vasgemaak en op die vloer laat lê.”

Twee van die verdagtes het deur die huis gegaan en die huiseienaar se ma en sy vrou na die vertrek geneem waar die man aangehou is. Die twee vroue is ook vasgebind en op die vloer laat lê.

Die mans het op die kluis se sleutels aangedring, maar daar was niks in die kluis nie. Hulle het ʼn televisie, DVD-speler, kamera en vier selfone in die huis gebuit. Daarna het hulle by ʼn kantoor by die huis ingebreek waar hulle drie skootrekenaars, ʼn eksterne hardeskyf en nog ʼn televisie gesteel het. Hulle het die ware in die slagoffer se RAV 4, met die registrasienommer CK 83 VJ GP, gelaai en in die voertuig van die toneel gevlug.

Niemand is tydens die voorval beseer nie.

Die polisie ondersoek ʼn saak van huisroof. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Gertjie

Daar is ‘n Kameeldrift Oos van Pretoria en ‘n Kameeldrift Wes van Pretoria. Maar Noord, nee.

Lizaan

Gertjie speel dit werklik so n groot rol om oor alles n byt te wil gee. Sien die breer prentjie raak nl roof.

RSA

Lizaan, klink of jy soos sommige onakkuraatheid en foute tot standaard wil verhef. Kyk hoe lyk SA se onderwysstelsel en die produkte daarvan.

A.Willemse

RSA, hareklowery is erger as onakkuraatheid. Kameeldrif is in die omgewing van die Roodeplaat dam Noord-noord-oos van Pretoria. Hoekom nou die skole ook nog hierby betrek?

Johannes Meintjes

Hoe lank wil ons burgerlike beskerminginstansies, oos of wes, verlig of verkramp, nog baie praat en min gedoen kry om burgers tot effektiewe selfbeskerming te help oproep, afrig en onderskraag? Elke plaas, plot of huisroof rig skade aan mense aan. Die verliese hoop op totdat ons mense (soos in Zimbabwe) totaal verbrokkel, ontneem, onterf en uitgerangeer is. Kom ons kry ons GPF, buurt en plaaswag aksies opgeskerp tot op ‘n nasionale standaard en samewerking met meer fokus en doelgerigde uitvoering en minder onkonstruktiewe argumente, asb.