Gevaarlike misdadiger ontsnap uit Pta-tronk

Henry Edema Timaya Onoh. Foto: SAPD

Henry Edema Timaya Onoh. Foto: SAPD

ʼn Gevaarlike misdadiger wat aan ernstige en gewelddadige misdade skuldig bevind is, is vyf dae ná sy ontsnapping steeds op vrye voet.

Kol. Lungelo Dlamini, woordvoerder van die polisie, het Woensdag gesê enigiemand wat inligting verskaf wat tot die inhegtenisneming van Henry Edema Timaya Onoh, ook bekend as “Spiderman”, kan lei, sal moontlik beloon word.

Volgens Dlamini het Onoh, ʼn Nigeriese burger, Saterdag in die vroeë oggendure uit die Kgosi Mampuru-gevangenis ontsnap. Hy sou Maandag in die Pretoria-landdroshof gevonnis word op aanklagte van onder meer huisbraak, verkragting, huisroof en diefstal.

“Die omstandighede van die gevangene se ontsnapping word nog deur die departement van korrektiewe dienste ondersoek. Die polisie doen ʼn beroep op mense met moontlike inligting om Crime Stop by 0860 010 111 te skakel. Intussen moet die gevangene as gewapen en gevaarlik beskou word,” het hy gesê.

Volgens Dlamini word daar vermoed dat Onoh moontlik na ander provinsies gevlug het aangesien hy verbind word met ernstige misdade in Mpumalanga en KwaZulu-Natal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Uiltjie

Hy’t seker gehoor die doodskis manne gaan nie borg kry vir Kersseisoen – toe vat hy maar sy eie borg!

BS

Ontsnap?

Ontsnap se voet

Nou hoe ontsnap jy uit ‘n tronk? Is hy nie veronderstel om onder wagte dop gehou te word nie?
Iemand het seker die hek vir hom oop gemaak

Lance

Ag dit gebeur so baie …almal weet dit al

Alida

Inside job. Mens kan nie net so ontsnap nie.