Volgens Eric Maloka, woordvoerder van die Ekurhuleni-nooddienste, is brandbestryders ná 19:00 na die toneel ontbied om die vlamme te blus.
“Boksburg se brandweer het op pad na die nagklub die vlamme gewaar en nog hulp van vyf ander brandweerstasies ontbied, waaronder die Primrose-, Farramere-, Albertina-, Rynfield- en Wadeville-brandweer,” bevestig Maloka.
“By die brandweer se aankoms op die toneel is ’n soek-en-reddingsoperasie uitgevoer en drie pasiënte is met rookinaseming uit die gebou gered. Hulle is na ʼn nabygeleë hospitaal geneem vir verdere mediese behandeling.”
Shaun Els van Declaration Medic Services het gehelp met die reddingsoperasie van die vyf pasiënte.Die brand is binne tien minute in bedwang gebring sodat dit nie verder versprei nie. Die brand is teen Sondag vroegoggend heeltemal geblus.”
Volgens Maloka is mense in die omgewing veilig verwyder en verkeer herlei.
“Die oorsaak van die brand word deur Ekurhuleni se brandveiligheidsbeamptes ondersoek.”
Video pic.twitter.com/BsCXJ7IAAZ
— Yusuf Abramjee (@Abramjee) September 10, 2022