Die noodtoelaag wat gedurende die Covid-19-pandemie ingestel is, ook bekend as die R350-toelaag, sal vanaf 1April tot R370 per maand verhoog.
Dit verteenwoordig ʼn verhoging van sowat 5,7%.
Enoch Godongwana, minister van finansies, het die aankondiging Donderdag in die Nasionale Vergadering gemaak.
Godongwana sê dit is “deel van die progressiewe realisering van basiese menseregte”.
Hy het ook aangekondig dat maatskaplike toelaes deur die loop van 2024 verhoog gaan word. Dit sluit in ʼn R100-verhoging in die toelaag vir oumense, oorlogsveterane, diegene met gestremdhede en diegene wat van sorg afhanklik is. Die verhoging sal geleidelik plaasvind met ʼn verhoging van R90 in April en R10 in Oktober.
Hy het ook ʼn verhoging van R50 aangekondig in die toelaag vir pleegouers en R20 vir kinderondersteuning.
“Ons is sensitief tot die styging in lewenskoste van die nagenoeg 19 miljoen Suid-Afrikaners wat op dié toelaes staat maak. Ons het alles in ons vermoë gedoen binne dit wat die fiskale koevert ons toelaat.”
Hoe lank gaan die nonsens nou nog aanhou. Dis hoekom mense nie uit hulle omstandighede gaan kom nie.
Stem saam, gesels nou die dag met 18 jarige. Sy is al by baba 4 om toelae te ontvang.